By een van die tempels in die Angkor Wat-kompleks by Siem Reap in Kambodja. Met hindsight besef ek net weer eens watse ongelooflike plek dit is. Ek gaan September weer soontoe, dan sal ek daarna kan berig oor waar en of my beplande gastehuis in Kambodja gaan gebeur. Ek oorweeg ook van die kleiner, minder ontdekte dorpies, maar sal die besluit neem wanneer ek terug is daar.
Ek is besig om al my baie foto's uit te sorteer. Een ongelukkige insident, een van die CD's wat ek in Indie laat sny het, het 'n virus op, dus sukkel ek my dood om daardie foto's oop te kry. En honderde ander klante van dieselfde winkel sukkel nou ook seker. Ek vorder daarmee, maar dit vat lank. Nou krap ek af en toe ander foto's uit. Hier is 'n polisieman op een van die vele ou Portugese stadspleine in Macau, onder die stad se sestiende-eeuse katedraal.
No comments:
Post a Comment