Ek het so 'n bietjie van 'n bloutjie geloop met Santam (rus onseker) en voel dit my burgerlike plig om die episode hier te deel. Soos gereelde lesers van die blog weet, my geliefde motor is Desember gesteel en hy was verseker by Santam. Hy het 'n ingeboude BMW-immobiliseerder gehad wat onfeilbaar was. Mense het al voorheen die kar probeer steel, maar kon niks regkry nie. Hierdie slag het hulle hom waarskynlik weggesleep of op 'n trok gelaai, daar was geen glasstukke langs die pad nie. Nou goed. die situasie is dat jy moet 'n immobiliseerder he^ vir die versekering, wat ek wel gehad het. Maar eers toe ek eis, na elf jaar as klient van Santam, moet ek hoor die immobiliseerder is nie deur hulle goedgekeur nie en die eis betaal nie uit nie.
Ek het reeds 'n nuwe motor gekoop en ook by Santam verseker. Die verkoopspersoon het gevra of die motor, 'n Hyundai, 'n immobiliseerder het. Hy het een, van die fabriek af. Ek vra toe of dit goedgekeur is deur Santam. Sy antwoord nee. Ek se^ toe maar daar is dan 'n ommobiliseerder. Sy gaan toe net voort met die volgende vraag en 'verseker' die motor. Daar is waar die probleem begin, jy aanvaar dalk dis 'n geval van stilswyende instemming van Santam se kant dat die immobiliseerder wat jy het, tog aanvaar word. En net daar maak jy die fout, eendag nadat Santam tienduisende rande van jou geld gevat het, sal hulle beweer jou immobiliseerder is nie goedgekeur nie en daar is geen uitbetaling nie.
Deels is die skuld myne, ek moes seker self seker maak oor die immobiliseerder, maar ek gee nie eintlik om nie, die kar was min werd en die versekering het darem dinge soos derdeparty al die jare gedek. Maar daar is vir my 'n etiese probleem. Santam gaan rustig voort om jou te 'verseker' sonder dat alles dalk in orde is, goed wetende van hul kant dat al daai geld wat jy dekades lank betaal, net so in die maatskappykoffers beland.
Daarenteen bel ek toe vandag Outsurance. Eerstens is die premie laer, dit sluit ook 'n huurmotor in (wat ek nie by Santam gekry het nie) en reg van die begin af maak HULLE seker jou kar is in orde, jy moet gaan vir 'n vinnige ondersoek by Glassfit, wat ook na die kar se toestand kyk en seker maak die immobiliseerder werk, en dan is die kar werklik verseker. Dis mos reg so. Santam het skielik toe ek eis lang vrae gevra oor die toestand van die kar, alles dinge wat hulle natuurlik sou aftrek by die finale eis. En daar is geen harde bewyse wat die toestand van die kar regtig was nie, dus kan hulle enigiets beweer (en jy ook) en alles eindig in 'n kroekspul.
Ek hou werklik van Outsurance se manier, die versekeraar se agente sien die kar en kan nie later kom met allerhande bewerings nadat hulle al jou geld gevat het nie. Ek dink die blote feit dat Santam jou 'verseker' al weet hulle jou immobiliseerder is nie deur hulle goedgekeur nie, is skelm verby. Hulle vat jou geld en weet dit gaan hulle niks kos nie. Ek is nie meer by Santam verseker nie, al was dit 'n ou familietradisie.
Subscribe to:
Post Comments (Atom)
3 comments:
Ek het self laas jaar 'n geveg met Santam gehad (soek in my blog se archives vir "kampvegter"). Hulle het my premies verhoog na iemand anders in my motor vas gery het, en hulle nie die moeite wou doen om regstappe te neem om die geld by daardie persoon te kry nie "want dit sal meer kos as wat die persoon hulle skuld". Toe moet ek nou maar sommer betaal! Na 'n lang gesanik en vele telefoonoproepe het hulle toe darem my premies weer verlaag, maar wou dit nie terugwerkend doen van die maand wat hulle dit verhoog het nie. Ek het op daardie stadium toe maar dit aanvaar, en is nog steeds by hulle.
My ouers het middel laas jaar in 'n nuwe huis in getrek, wat op daardie stadium nie 'n alarm gehad het nie. Santam sê toe hulle sal net die inhoud verseker as daar 'n alarm is, en gee my ouers toe 'n maand om die alarm in te sit. ADT was toe egter te besig om dit binne 'n maand te doen, en iemand breek toe in 3 dae na die maand verstryk het, met nog geen alarm nie. Santam weier toe om uit te betaal, en my ouers is nou by 'n ander versekeraar.
Die versekeringsindustrie is ryp vir 'n no-nonsense tipe van maatskappy soos Outsurance. Hulle het dit hopeloos te maklik gehad vir te lank. Altyd bereid om jou geld te vat, maar ontsettend hardlywig as iets by hulle kant moet uitkom.
Daar is nog 'n goeie voordeel by Outsurance. Ek sien hulle verseker my vir al die buurlande van SA en verder - Zambie, Mosambiek, Malawi ingesluit. Santam verseker jou net in SA, Lesotho, Swaziland en Namibie, vir die ander plekke moet jy ekstra betaal. Dus kan ek ook lekker rondtoer met my Outsurance-versekering.
Post a Comment