rondloper

Verhuising na Wordpress

2007-10-14T23:48:00.000+07:00

Na maande en maande se stilte het ek besluit om weer die blogosfeer te betree, en wel by Wordpress. Alles van die Blogger-blog is reeds soontoe geskuif. Die nuwe adres is www.rondloper.wordpress.com

My nuwe huis

2007-05-20T22:19:00.000+07:00

Ek is terug in die land en het my gehaas na Strydenburg, waar Gunther my gehelp het om die plek te restoureer. Hy is basies klaar, en hier is solank 'n paar voor en na foto's. Wag net vir die meubels en die dekor, die mooiste huis in die Karoo is besig om vorm aan te neem! Hier is die vooraansig aan die begin. Let op die pienk kleur . . .

Nou lyk dit so, meer gepas vir die woestyn-omstandighede, en baie, baie mooier.

Die voorstoep, en dis Gunther daar agter by die deur.

Binne was sulke dennehoutplanke teen die mure. Dalk mooi . . . maar nie vir my nie, ek het die vloermatte vervang met hout, en dit sou bots met die dennehout teen die muur.

Dis wat ek laat doen het. Limewash die hout teen die mure, en mooi nuwe houtvloere.

Die badkamer het novilon op die vloer gehad, en die teels was swak afgewerk.

Nou is daar teels wat lyk soos klip (weer die woestyn-idee . . . ) en die ou wit teels is bietjie beter afgewerk.

Hierdie kamer, soos die hele huis, het matvloere gehad, en die kamer het ook blou mure gehad. (Die blou gordyn wat hier uitsteek is nog 'n oorblyfsel van die oertyd.) Net om 'n idee te gee van wat ek beplan, outydse meubels, daar is houtvloere oral, en die mure is reg deur die huis wit, vir koelte en rustigheid.

Die braaigebied voorheen . . .

En nou, geplavei en gesnoei. Bruikbaar . . .

Dorpies

2007-05-20T21:29:00.000+07:00

Nog so 'n laaste paar foto's van my trippie. So tipies van Hong Kong. Woonstelle wat reik na die wolke. Die meeste woonstelgeboue is inderdaad veel ouer, maar hierdie is op die eiland Lamma, naby die lughawe, waar 'n heeltemal nuwe dorp ontwikkel word. Want daar is maar net nie meer veel plek oor nie . . . Maar ek moet se^, na Seoel voel Hongkong amper 'n bietjie soos 'n klein dorpie . . . En Kaapstad dus soos 'n baie, baie klein dorpie . . .

Spitstyd in Hongkong is besig . . . In Causeway Bay se moltreinstasie op pad boontoe.

En buite op straat, dis op Hongkong-eiland.

So tegnolgies gevorderd as wat Hongkong is, met paaie en moltreine wat onderdeur die see loop en elke deeltjie van die gebied met mekaar verbind, bou hulle steeds met bamboes, want dis net soveel sterker as ander soort stellasies en blykbaar baie makliker en vinniger om op te slaan.

Terwyl ek met 'n kabelkar na die Groot Boeddha-beeld gery het, het ek hierdie mense doer onder in die see gesien. Ek vermoed hulle haal mossels of ander soorte skulpdiere uit.

En dis die Groot Boeddha. Daar is nou 'n nuwe 'tradisionele' dorpie aan die voet daarvan, maar dis eintlik net 'n tourist trap. Die beeld is wel indrukwekkend. Maar dis nie 'n vreeslike serene uitstappie nie.

By die tempel is daar darem 'n wierook-reuk in die lug en bietjie stilte, weg van die massas toeriste. En daar is 'n mooi blik op die beeld van die tempel se trappies af.

Met die terugry met die kabelkar, is daar pragtige uitsigte, maar mens kan ook duidelik die besoedeling in die lug sien. Ek is regtig baie lief vir Hongkong, ek dink dis een van die mees opwindende stede, maar die besoedeling raak soms erg. Dis vir my altyd vreemd dat dit lyk of niemand dit raaksien nie, asof mense nou maar gewoond is aan die vuil lug. Ek kan nie anders as om elke nou en dan te sien die lug is maar dowwerig nie . . .

Nuut

2007-05-16T23:39:00.000+07:00

Wat is die kans dat ek in Asie" sal rondreis en nie een of ander wonderlike nuwe gadget sal optel nie? Nul, nul en nul! Hierdie is die Zen Vision W. Die W staan vir Widescreen. Dis 'n MP4-speler waarop ek meer as 120 uur se DVD's kan laai, wat ek dan enige tyd en enige plek, soos teoreties op die subway in Seoel terwyl ek werk toe ry, kan kyk. En ek kan al my foto's daarop laai, en musiek, en radio luister, en my dagboek, en opnames maak, en die videos op 'n TV kyk ens. ens. ens. Pragtig. En ek het minder as die helfte betaal van wat ek sou in SA. Ons handelaars daar bemark hulsef uit besigheid uit. Ek hoop iemand belangrik lees hierdie.

Nog 'n bietjie Korea

2007-05-16T23:19:00.000+07:00

Hier's nog 'n paar prentjies van Seoel. Hongkong volg later. En more glip ek dalk gou oor die grens na China, dan sal daai prentjies ook later volg. Ek was gelukkig genoeg om by (een van die vier) koninklike paleise in Seoel aan te kom terwyl die Changing of te Guards aan die gang was. Baie mooi.

En in Korea is die lewe nog sorgvry as jy 'n klein kind is. As jy hoe"rskool toe gaan, raak dinge baie moeilik. Universiteit is net pret, jy sal in elk geval slaag. Maar dan begin die werklewe en raak dinge weer sleg.

Tog is daar tyd vir 'n stil oomblik langs die koninklike somerpawiljoen waar jy die stilte, bome, en vrede kan geniet.

En wanneer jy oud raak, spandeer jy jou middag in die volkspark, waar jy speletjies saam met jou tydgenote kan speel, kan nadink oor die Koreaanse oorlog, en kan probeer om jou pensioen aan te vul deur ditjies en datjies te verkoop.

In Korea, anders as in Suid-Afrika, is daar steeds baie voorbeelde van die Hyundai Sonata 1998-model op straat te sien. Anders as wat sommige van my vriende meen, is dit dus tog 'n motor wat lank hou. In Suid-Afrika het ek al twee gesien, hierdie is een, wat my tot in die Karoo en terug gebring het. Hou my blog dop vir nuwe foto's van hierdie huis in Strydenburg, wat intussen heeltemal gerestoureer is. Ek gaan Vrydagaand soontoe as ek terug is in SA en sal dan hier wys hoe lyk die nuwe plek.

Wie's bang?

2007-05-16T23:13:00.000+07:00

Nie dat ek nodig gehad het om die toets te doen nie, maar ek is tog effe verras met die antwoord. Toets jouself, en stuur jou antwoord hierheen, as jy niks het om weg te steek nie.

Your Score: Mostly Gay

You scored -30 (-52 being completely gay, 0 being bisexual, and 52 being completely straight)

You are mainly homosexual, but you have a few heterosexual qualities. You much prefer the same sex, but you have a mild interest in the opposite sex. While you would jump at the opportunity to screw someone of the same sex, you might be up for experimenting with members of the opposite sex if given the opportunity. If you are sexually inexperienced, you could shift on the spectrum at a later time depending on whether you have sexual encounters with the opposite sex and whether or not you like those encounters.

Link: The Sexuality Spectrum Test written by tall_man_54 on OkCupid Free Online Dating, home of the The Dating Persona Test

Neon

2007-05-12T23:20:00.000+07:00

Ek vra innig, in die Koreaanse styl, my familie, vriende, my land en sy mense, die res van die wereld en alle ander bloggers om verskoning dat ek so 'n swak blogger was die afgelope tyd en daardeur die res van die blog-gemeenskap skade aangedoen het. Maar hier gaat ons weer! Ek is nou al twee weke in Asie en het nog niks geblog nie, skande. In die algemeen is hierdie reis bloot 'n kuier-reis, ek het vir my vriende op verskillende plekke kom hallo se^. Ek het net een nuwe land besoek (Korea) en een nuwe plek (Langkawi in Maleisie). Verder net bekende plekke. Ek gaan moontlik volgende week gou China toe, afhangende van of ek betyds 'n visum kry. Ek plaas nou 'n fotoverhaal van die afgelope twee weke. (My Blogger is op die oomblik in Koreaans . . . ) Hier volg sommer 'n paar straattonele van Seoel, waar ek nou is. Die plek laat my baie dink aan flieks wat ek al van Japan gesien het. Ek persoonlik weet maar baie min van Korea, maar ek weet hulle en die Jappanese haat mekaar, hoewel hulle eintlik baie eenders is. Dis 'n baie, baie indrukwekkende stad, met mense wat lyk of hulle net werk, werk, werk, en dan baie, baie hard kuier as die werk klaar is. En nie slaap nie. Nooit slaap nie, behalwe op die subway.

Die eiland

2007-05-12T23:08:00.000+07:00

Seoel se Incheon-lughawe is geheel en al op 'n mensgemaakte eiland in die see gebou. Wonderwerke gebeur blykbaar soms. Dan is daar snelwee wat seelangs loop, terug na die vasteland.

En die stad se subway is nog 'n wonderwerk. Hier is so baie lyne ek weet soms nie waar ek is nie. Jy moet nogal kophou met al die name ook, vir my heeltemal vreemd op die oor en al se^ iemand die naam wat ek soek, vergeet ek dit sommer dadelik.

By een van die stasies sien jy dit as jy boontoe kyk.

Koreaanse styl aandete. Ons sit op die vloer, en die kos word op die tafel gebraai. Dis my vriend Marshall die skrywer, wat hier woon.

Dis ek, wat nie hier woon nie. Maar wie weet . . .

Waar is dit?

2007-05-12T23:04:00.000+07:00

Daar is 'n hotel in Hongkong wat lyk soos iets uit middel-Amerika of 'n verlate Karoodorpie in die jare vyftig. Waar 'n vreemde, onwelriekende vloeistof wat later sou blyk bloed te wees van die jongste slagoffer van die zombies wat in hierdie godverlate dorpie hul tuiste gemaak het, onder die deur sou kon insypel. Maar hierdie plek is in Hongkong.

Die suidooste

2007-05-12T22:55:00.000+07:00

Dit het vreeslik baie gereen in Phnom Penh.

Vreeslik baie.

Die verkeer was selfs meer chaoties as wat ek van my vorige besoeke kan onthou. Saigon was vir my voorheen die plek met die mees chaotiese verkeer denkbaar, selfs erger as Indie, die dermiljoene motorfietse, riksjas, fietse, karre, donkies, beeste, enigiets beweeg letterlik in alle rigtings, daar is baie min robotte en niemand stop in elk geval nie. Kambodja lyk of hy daarop afstuur. Seker logies, want hulle was lank 'n Vietnamese 'kolonie' en dis die mense wat hulle probeer navolg. Agter is die sentrale mark wat deur die Franse gebou is.

Ek het die eerste keer Bankok se veelbesproke nuwe Suvarnabhumi-lughawe gesien. Was net daar vir 'n paar uur in afwagting op my aansluitingsvlug na Hongkong. Dis 'n betonpaleis/betonmonster (kies self een).

Baie kil en bar, meen ek.

Donker eiland

2007-05-12T22:30:00.000+07:00

Langkawi is 'n eiland met 'n donker geskiedenis en selfs vandag is die sand op een van die strande onheilspellend swart, soos Seng hier wys . . .

Want hierdie graf, die graf van 'n jong dame wat sewe generasies gelede geleef en tragiese gesterf het, hou die sleutel. Sy is deur die koning van die tyd van owerspel beskuldig en ter dood veroordeel, deur op 'n brandstapel te sterf nadat iemand 'n dolk in haar hart gedruk het. Sy het in haar sterwensoomblik die eiland vervloek dat dit sewe generasie lank baie sleg daar sal gaan. Die vloek het so 'n paar dekades gelede verval, en sedertdien floreer Langkawi. Sy word deur die Maleisiers as 'n heilige gesien omdat sy vals beskuldig is en dus 'n martelaarsdood gesterf het. Nou is daar 'n gendenktuin opgerig waar haar graf is.

Daar is 'n hok met koerkoer-duifies in die gedenktuin.

Mens kan met 'n kabelkar teen die hoogste berg op Langkawi opry. Dis 'n baie lang kabelkar en hy beweeg nogal vinnig. Onder is net oerwoud en die blou, blou see. En bo, is jy in die wolke.

Met die terugkomslag, as mens deur die wolke breek, sien jy die see en dele van die eiland. Dis baie, baie mooier as Phuket, waar ek verlede jaar was, en ook baie meer ongerep, die ontwikkeling is van so 'n aard dat die eiland nog redelik ongeskend voel. Goeie plek vir Suid-Afrikaners om vakansie te hou, want dis ook baie goedkoop.

Die beste kos

2007-05-12T22:03:00.000+07:00

Hierdie is die laaste episode van die jongste fotoverhaal.

Die lekkerste ding in Maleisie is die kos. Ek het nog nie op enige ander plek so lekker ge-eet nie. Kyk net daai krappe, daai gestoomde vis . . . Andrew (links) en Seng (voorheen op hierdie blog genoem Jeff, maar voortaan gebruik ek sy Chinese naam) het my na hierdie straatrestaurant in 'n voorstad van Kuala Lumpur gebring. Feesmaal.

In die kabelkar op pad na 'n monument aan blink liggies en verpakte vermaak - die Genting-hoogland buite KL. Heerlik koel daar, want dis so 700 m hoog en dis 'n verfrissende ontsnapping van KL se hitte. Ek het daai aand 600 ringgit (sowat R1200) by die casino gewen. Van links is Akira, Andrew, Freddy en Andre.

Wie's die mooiste model? Hierdie een . . .

Of hierdie een . . .

Het ek gese Maleisie is die plek met die lekkerste kos in die wereld. Ja, ek dink so. Daai bord met al die knoffel was vol paddas. Nou is hy leeg. En die paddas was baie, baie lekker. Al dieselfde mense.

So ver

2007-03-18T02:44:00.000+07:00

My huis in die Karoo is om een of ander snaakse rede steeds nie oorgedra nie, ek weet dinge vat langer in die platteland, maar hierdie slag vat dit besonder lank. Dis in die aktekantoor op die oomblik en sal seker, hopelik teen volgende week deur wees. Maar ek het gister anyway deurgery soontoe om te gaan kyk, want ek verlang na die Karoo. Daar is baie dinge wat ek nie onthou van die huis nie, soos die mure in die sitkamer het hout op (amper soos houtvloere, maar teen die mure?) Bietjie eienaardig, weet nog nie wat ek daarmee gaan doen nie. En dan is daar 'n courtyard aan die een kant van die huis met 'n braai wat ek nie eens laas raaksgesien het nie (ek dink ek het so Oktober laasjaar se kant gaan kyk, en toe sommer hier van die Kaap af per faks gekoop). Die courtyard is 'n lekker verrassing, ek sien sommer die swembadjie wat ek daar gaan insit. Dis 'n lekker private hoekie vir lekker kuier. Verder was ek oudergewoonte heeltemal beindruk met die Karoo se ooptes en so 'n trippie soontoe maak altyd my kop lekker oop. Die huis is op Strydenburg, vir die wat dalk nie weet nie, dis ver, baie ver van die Kaap af, 750 km, maar lekker. Klein ou dorpie met baie karakter. Speel in my agterkop steeds met die gedagte om dit weer 'n (klein) gastehuis te maak, die dorp is die halfpadmerk tussen Jhb en die Kaap (via Kimberley) en dus 'n gerieflike oornagplek. Enigiets om weer semi-selfonderhoudend te word, soos ek gewoond geraak het aan in Sutherland. En dat ek weer kan gaan travel net wanneer ek wil. Minstens is my volgende Oosterse reis nie meer te ver nie, einde April, en dan gaan ek die eerste keer Korea toe, sien baie uit!

Sononder op Victoria-Wes, onderweg na Strydenburg. Waar in die wereld is die lug so mooi?

Langs die N12, ook op pad na Strydenburg. Karoo-sononder.

Daar was al 'n foto hiervan, maar hier is hy weer, lyk nog dieselfde. En daar staan my nuwe kar ook.

En wat is 'n Karoo-dorp sonder 'n groot kerk. Of drie. Daar bly (my skatting) minder as 1000 mense op Strydenburg, ek het minstens drie kerke getel. Hierdie is die Gereformeerde Kerk.

Musiek vir die langpad

2007-03-18T02:26:00.000+07:00

My geselskap hierdie naweek op pad na Strydenburg, en terug, was onder andere hierdie driestuks. Ek het een keer lank, lank gelede op aanbeveling van iemand 'n CD van Calexico gekoop (effense folksy, amper Meksikaans, bluesy musiek), ek was (en is) mal daaroor. Maar Calexico het verskeie projekte, waarvan een Iron and Wine is, wat 'n fantastiese musiekgroep. Ek het al hier en daar met mense oor hulle gepraat, maar baie min mense ken hulle blykbaar. Ek hou van musiek met gevoel, wat nie te veel raas nie, en mooi klink, dit werk vir my soos 'n bom. Anyway, toe ek nou onlangs weer 'n hele besending Iron and Wine en Calexico-CD's van Amazon bestel, verskyn daar onder die aanbevelings Sufjean Stevens, wat ek toe summier koop hoewel ek nog nooit eens van hom gehoor het nie. En wat 'n ontdekking! Ek raak verveeld met die stroperige musiek, of hip-hop twak wat ek meestal op die radio hoor, dan af en toe ontdek ek iets wat my net weer skoon opgewonde maak. Sufjean Stevens is so iets. Dis moeilik om te plaas as wat dit nou eintlik is, ook folk, maar bietjie anders. En die derde een hierbo is die Flaming Lips. Ook hulle leer ken via 'n Amazon-aanbeveling op 'n vorige Calexico-bestelling. Daar is een song op die CD wat klink soos 'n anthem, moody, meesleurend, met die vreemde titel Pompei am Gotterdamerung, wat gaan oor twee mense wat staan en kyk hoe die lawa by die vulkaan uitspuit en vir mekaar sing hulle sal nou vir ewig as versteende mense mekaar se hande vashou. Maar moenie dink dis 'n soppy Westlife-tipe CD nie, o nee. Gaan luister gerus op Amazon. Mens moet jou horisonne altyd verbreed seg ek.

Nuwe lewe

2007-03-03T02:03:00.000+07:00

'n Huis op Teslaarsdal.

Jammer dat ek so lanklaas gepost het.
Eerste interessante nuus (waarna ek voorheen verwys het), is die groot verandering in my lewe. Ek het besluit om 'n pos by Die Burger te aanvaar as nagnuusredakteur, wat beteken ek sal in die aand werk (twee tot tien) en vir 'n jaar of wat bietjie meer vas wees as waaraan ek gewoond is of wil wees.
Maar dis met 'n doel, ek gaan hierdie tyd gebruik om my huis in Strydenburg, wat eindelik volgende week op my naam gaan kom, en my grond in Tesselaarsdal ontwikkel. Die plan met die grond is olywe en dalk een of ander eenvoudige huisie, die plan met Strydenburg is bloot om die huis se ou karakter te herstel, dis 'n ou huis, maar binne gemoderniseer. Alles in 'n baie goeie toestand, maar ek sal dit graag wil herstel na hoe dit was. Dus, vir my eie gemoedsrus het ek besluit 'n vaste werk vir 'n tyd sal dalk goed wees, net terwyl ek werk aan my lewensideaal om ekonomies onafhanklik te wees!
Vir interessantheid, hier is iets oor die geskiedenis van Tesselaarsdal, dis ongelukkig baie lank, maar baie interessant.

History of Tesselaarsdal: From 1663 the Dutch entered the Overberg using Gantouw Pass over the Hottentotts Holland Mountains. As farming activities in the Peninsula expanded cattle posts were established in the Overberg. One of the famous settlers in the Overberg was Johannes Jacobus Tesselaar.
Born 24th April 1748 and was a Lieutenant in the Cape Cavalry, as payment he received two farms in the Overberg. Hartebeestrivier and Steenboksrivier. Hartebeestrivier was a loan farm received during 1781 followed by 5 further farms. Tesselaar can be regarded as the first major land baron in the Overberg. It is a mystery how he obtained his wealth and by 1797 he possessed 14 male slaves 4 female slaves 125 horses 60 cattle and 505 sheep.
He married Alida van der Heyde on March 1775 the couple were childless and their will of 6th March 1809 stipulates that the farms and sums of money be left to relatives and the farm Hartebeestrivier and movables be left to slaves: Joachim Coert, Gert Gertse, Jan Gertse, Barend and Jan Frederick Bredenkamp, Alida Heizenberg, Christina Heizenberg, Elizabeth Heizenberg, Aletta Heizenberg and their descendants.
Tesselaar died at the end of 1801 and his wife Aaltjie continued farming until her death in 1832. In her will she stipulated that the slaves be freed and all those under the age of 15 be educated. The widow Tesselaar had employed an exceptionally large amount of Khoi servants in total 27 on her farm. In 1813 she owned 38 slaves, 148 horses, 10 wagons, 38 oxen, 32 cattle, 300 sheep and 100 goats. Apart from producing wheat and barley she also had 15,000 vines.
Of the 9 people who had inherited shares in the farm, only the Bredenkamps were to legally transfer their share to their descendants. The other members married and farmed with little records and informal boundaries. Land was used for sowing, gardening and grazing and was informally exchanged or transferred amongst the families and their descendants. Joggom Coert and Alida Heizenberg had married and had the largest family on the farm. Their daughter Helena married Hendrick Julies from Swellendam and from their daughter Louisa descends the Carelse family who still own part of the farm.
Many families came to occupy the land through marriage and some of them are: Groenewald, Fourie, Tier, Carelse, Stewart, Julies, Gardner, Conradie, Williamse, Abrahams, Swart, Geldenhuys, Matthee, Olwagen, Tobias, Avontuur, Smal, du Toit, Wyngaard and Nigrini. A section of the farm became known as Solitaire where a number of the above families resided. During the 20th century the D R C Mission Church, Anglican Church and a Primary School were established on the farm.
As was the custom people provided for their own daily needs and peddlers in the district supplying tea, coffee, sugar, spices and fabric. Card playing and dancing was popular. Regular trips were taken to Caledon by horse and cart an out span half way on the farm Dunhaye Park. Holidays were taken at Stanford and Hawston.
In 1971 the authorities tried to determine in court the rightful owners of the farm. The Overberg Divisional Council who had collected farm tax requested the Supreme Court to deal with the case. Two years later the court gave a verdict that the Council had no right to make such a case. It was decided to maintain the status quo that the farm would remain a mixed area and those who assumed inherited rights would pay tax.
A total of 128 people, 87 Coloured, and 41 Whites claimed rights to the land. In 1982 the Land Organising Committee was formed to settle the rights of ownership and the dispute between the Coloureds and Whites of Hartebeestrivier. Attempts by the Divisional Council to build a housing scheme were stopped by the Coloured community with fears that the 29 White families who were using a third of the farm would result that the area be proclaimed a White area. Land rights had been purchased from the struggling Coloured families who were unable to produce crops on their land because they did not qualify for State Agricultural subsidies.
It took the Land Organising Committee 10 years to sort out the ownership issue. After 1992 piped water and electricity was laid on and assistance rendered to owners who could not afford to pay transfer duties. Having legal ownership had enabled families to sell land to buyers from the city.

Rus verseker

2007-02-20T02:41:00.000+07:00

Na die bloutjie wat ek met Santam geloop het (so 'n paar posts laer af) moet ek wel hier noem dat 'n foonoproep en 'n kwaaierige e-pos toe eindelik daartoe gelei het dat hulle wel uitbetaal het, wonder bo wonder. Dus, as regverdige beriggewer wat ek is, verkondig ek nou hier dat Santam my wel toe uitbetaal het na die diefstal. Ek dink nie dit sal met enigiemand gebeur nie, want my kar was amper niks meer werd nie. En dit was bietjie van 'n gesukkel, maar in elk geval, die diens was toe darem aan die einde van die dag nie te sleg nie. Ek is nog onseker of ek wel by hulle wil bly, aangesien Outsurance baie goedkoper is, en meer bied vir die premie.

Maputo 101

2007-02-19T02:56:00.000+07:00

'n Paar mense het gevra oor Maputo, kostes, hoe kom jy daar en so aan.
Daar is deesdae direkte vlugte van die Kaap na Maputo, met SA Express, dit neem 2 uur en 20 minute. Die vlugte is Maandae, Woensdae en Vrydae in albei rigtings. Dit kos nogal baie van die Kaap af, so R4000, met belastings ingesluit. Ek het met Voyager-myle gevlieg, want mens gebruik byna presies dieselfde hoeveelheid Voyager-myle vir 'n vlug binnelands in SA (18000) of na al die buurlande (19200 as jy op die internet bespreek). Dit sluit vlugte in na Namibie, Zimbabwe, Malawi, Zambie en oo Beira heel in die noorde van Mosambiek. 'n Winskopie, as jy dink dis basies dieselfde prys as vir 'n binnelandse vlug.
As mens dit (sonder Voyager) goedkoper wil doen, sal ek voorstel jy vlieg van die Kaap na Johannesburg met Mango (R500) en vat 'n bus (Greyhound, Interkaap en die Mosambiekse diens Panthera Azul, almal luuks en net so ses uur lank).
Verblyf daar wissel erg, die meeste hotelle is relatief duur, of jy kan in baie scaly plekke bly vir goedkoop. Ek het in die Pestana Rovuma-hotel gebly, so R600 vir die kamer vir die aand ( vir twee) met ontbyt. Lekker groot kamer, swembad op die tweede verdieping met mooi uitsig oor die dorp, reuse-ontbyt, langs die katedraal in die middestad.
Dis dalk beter om een van die hotelle in die omgewing van die Polana te kies, want dis bietjie meer upmarket omgewing, daar is baie restaurante, dis naby die Marginal (die kuspad noord van Maputo, vol restaurante en kuierplekke). Daar is 'n hotel genaamd Hotel Terminus, billik geprys.
Die beste is as mens van die Kaap wil reis om eerder 'n pakket te koop, hulle kos so R4000 en sluit dan die vliegkaartjie en verblyf van drie nagte in, gewoonlik in die Polana of die Holiday Inn, wat die enigste hotel reg langs die see is.
Kos is Portugees-beinvloed, baie piri-piri-geregte, lekker baie vis, garnale, skulpvis, ook hoender, daar is baie koffiewinkels oral met lekker gebak en die heerlikste koffie op die vasteland van Afrika as jy my vra. Pryse is maar vergelykbaar met SA, soms bietjie meer of bietjie minder. Daar is baie informele plekkies, sommer stalletjies langs die pad, wat natuurlik goedkoper is. Bier is oral te koop, letterlik op straat, vanaf so R5 vir 'n 'man-size' blikkie op straat tot heelwat meer in restaurante of nagklubs.
Die lekkerste uitgaanplek na my mening is 'n plek met die naam 'Coconuts' op die Marginal. Daar is 'n swembad onder die palmbome, veerpyltjies, restaurante, en saans is daar twee dansplekke, een meer 'Eighties' en ouer en een meer Latyns en jonger. Laasgenoemde is baie lewendig en baie interessant, die een kant van die gebou is oop, daar is geen muur nie, net creepers en palmbome, dit voel of Tarzan enige oomblik daar gaan ingeswaai kom.. Baie prettige plek en al die mooi mense van Maputo hang daar uit, die naglewe begin baie laat, eers hier teen halfeen die oggend, en raak eers later as dit besig. Om oor die weg te kom is taxi's heel voldoende, mens moet net reel dat 'n taxi jou oplaai as jy iewers gaan waar dit lyk of daar nie taxi's rondstaan wat jou kan terugvat nie. Die middestad is klein, mens kan bedags basies oral loop, maar dis baie, baie warm en bedompig, selfs meer as Durban dink ek. Dis wel heel veilig, hoewel daar korrupte polisiemanne is wat mens soms voorkeer en jou 'dokumente' wil sien, hulle sal enigiets doen om iets fout te probeer vind en dan omkoopgeld te vra. Mens moet altyd jou paspoort by jou dra, en dan is jy orraait, al probeer hulle wat.

Elke Marxis in die wereld het 'n straatnaam in Maputo gekry. Mao Tsetoeng, Ho Chi Minh, Robert Mugabe, die hele lot is daar.

Die teelwerk teen die geboue kan, al is dit dikwels nogal onversorg, baie mooi wees.

Hier staan 'n baie klein rondloper langs 'n baie groot man in die ou Portugese fort.

O, die kos, heerlik! Hier is 'clams' in 'n piri-piri-sous, garnale in 'n knoffelsous, en stukkies roosterbrood, en 'n lekker 2M-bier. In hierdie plek het ons ook garnaal-samoosas geëet, en ek het toe 'n seekos-sosatie gehad en Hugo 'n Prego-steak. Die vorige aand was daar kreefbredie op die spyskaart, by 'n plek met 'n uitsig oor die see.

Ek en Hugo in Restaurante Peri Peri. Dis die plek met die lekker kos op die boonste foto.

Voorspoed

2007-02-19T02:43:00.000+07:00

Graag wens ek al my Chinese en nie-Chinese lesers 'n voorspoedige Chinese nuwejaar toe. Dit is vanjaar die jaar van die vark, 'n goue jaar van die vark, wat net elke 60 jaar gebeur, en ek is gebore in die jaar van die vark, dus wens ek myself ook 'n besonder voorspoedige Chinese nuwejaar toe.

Eiffel in die suide

2007-02-19T02:27:00.000+07:00

Sekere lesers van Rondloper het die mening uitgespreek dat my (gereelde) foto's van geboue op plekke wat ek besoek hulle verveel. Wel, ek het nuus vir hulle, dit verveel my nie, ek hou van geboue, en hier is 'n paar mooi geboue wat ek in Maputo gesien het. Hierdie is die Ysterhuis (Casa do Ferro), gebou deur die einste heer Eiffel wat verantwoordelik was vir die toring wat sy naam dra in Parys, Frankryk. Hy het twee geboue in Maputo gebou. Die Ysterhuis sou die Portugese goewerneurswoning wees, maar natuurlik was dit ietwat onleefbaar in die tropiese hitte voor die dae van lugreeling en die goewerneur het omtrent 'n week in hierdie huis uitgehou.

Dit is deel van die stasiegebou, al lyk dit soos 'n banketsaal, ook gebou deur mnr. Eiffel. Daar's is nog net 'n paar treine wat elke dag hier aankom.

So lyk die stasiegebou van buite. Hier is 'n groot verkeersirkel voor die stasie met 'n vryheidstandbeeld op die sirkel en 'n paar busse, vragmotors, karre en voetgangers wat almal hul vryheid op die pad geniet.

Ek weet nie watse gebou hierdie is nie, maar Maputo is oral vol sulke klein verrassings. Die sypaadjies het mooi patrone op, daar is huise met Maria-figuurtjies by die voordeur, of in die ou koloniale kern, waar hierdie gebou is, is daar teelwerk soos hierdie, of ander geboue met gekleurede dakteels. Dis nou alles te midde van die effe vervalle sypaadjies en paaie vol slaggate, ek meen die meeste mense fokus so op die pad, om nie in 'n donga te val nie, dat hulle van hierdie klein detailtjies op die geboue dalk mis.

Maputo

2007-02-09T17:13:00.000+07:00

'n Naweek in 'n wonderlike tropiese, Latynse stad le^ vir my voor. Ek is op pad na Maputo, nou by die Kaapse lughawe waarvandaan daar deesdae direkte vlugte is. Garnale, pragtige strande en wonderlike Portugese argitektuur is waarmee ek my naweek gaan vul.

Daar is 'n hemel

2007-02-01T03:02:00.000+07:00

Die lewe maak weer sin! Ek kan nie wag vir hierdie wonderlike stukkie tegnologie nie (seker eers laat vanjaar hier by ons, maar miskien kan ek dit Mei-maand in Singapoer of Hong Kong koop as ek weer daar is). Dis net te wonderlik vir woorde. Alles werk met jou vinger, jy kan byvoorbeeld beelde of ikone 'knyp' op die skerm, dan word hulle kleiner, of jou vingers wegtrek, dan word dit groter. Hoe cool is dit!

Briljante joernalistiek

2007-02-01T02:20:00.000+07:00

Alice Auma Lakwena, warrior and spirit-channeller, died on January 17th, aged 50

AT A place called Wang Jok, in Paraa National Park in northern Uganda, the Nile flows strongly among trees and over rapids. This is a magic spot: coins, pots and human figures sometimes mysteriously appear from the river. And if you had visited Wang Jok in May 1986 you might have seen, sitting beside the water, a young woman of 30 apparently talking to herself.
People from Opit, the railway town where she lived, knew her as Alice Auma. She sold fish and flour with another woman and had had two husbands, both of whom had deserted her because she was barren. But it was not Alice Auma who was sitting by the Nile. She was possessed by a spirit called Lakwena, and he was holding a consultation with all the animals of the park.
They swarmed round him in a huge bellowing crowd, elephants and hippopotami and crocodiles and giraffes, many of them holding up wounded limbs to be healed. Lakwena asked them who was responsible for the civil war in Uganda, in which the Acholi rebels of the north were fighting the troops of Yoweri Museveni's National Resistance Army. They replied that “the people with two legs” were the violators of peace and Nature. A waterfall and a mountain were interrogated too. They gave back the same answer.

Uittreksel uit The Economist. Lees verder hier. Dis een van die beste artikels wat ek in 'n lang tyd gelees het, vol insig oor godsdiens en oorlog, twee sleutelkwessies van ons tyd.

En nou?

2007-01-29T17:10:00.000+07:00

Contrary to common perceptions, there has been a steady and consistent decrease in most major crimes, particularly murder, over the past decade, a new study by the Institute of Security Studies (ISS) shows.
The analysis of the crime statistics released last year showed that the national murder rate decreased from 67 murders per 100 000 people in 1994 to 39.5 per 100 000 in 2006, according to Antoinette Louw of the Institute for Security Studies (ISS).
Writing in the latest edition of the ISS's Crime Quarterly, Louw said this was a positive trend because murder statistics were the most accurate on record and also provided a useful indicator of the extent of violence in the country.
Die volledige berig is by http://www.iol.co.za/index.php?set_id=1&click_id=13&art_id=vn20070129031420890C607544
(Ongelukkig kan ek nie op die Safari-browser hier by die werk 'n link insit op Blogger nie.)
Die inligting kom van die gesaghebbende Instituut vit Sekerheidstudies. So wat maak 'n mens daarvan? Hoekom is die land en die media so negatief?
Dan het ek nog 'n vragie, Deon Maas skryf die naweek in Die Burger dat hy nie kan verstaan waarom daar soveel negatiwiteit onder die wit-beheerde (sy woorde) media is oor 2010 en die sokker nie. En hoekom wit belastingbetalers (Groenpunt) alles in hul vermoe doen om die stadion te kelder. Dit nadat die hele land, mense wat nie gewoonlik rugby kyk nie, in 1995 verenig het rondom die rugby-wereldbeker. Wat het intussen verkeerd gegaan? Goeie vraag, dink ek.

Rus onseker

2007-01-25T18:49:00.000+07:00

Ek het so 'n bietjie van 'n bloutjie geloop met Santam (rus onseker) en voel dit my burgerlike plig om die episode hier te deel. Soos gereelde lesers van die blog weet, my geliefde motor is Desember gesteel en hy was verseker by Santam. Hy het 'n ingeboude BMW-immobiliseerder gehad wat onfeilbaar was. Mense het al voorheen die kar probeer steel, maar kon niks regkry nie. Hierdie slag het hulle hom waarskynlik weggesleep of op 'n trok gelaai, daar was geen glasstukke langs die pad nie. Nou goed. die situasie is dat jy moet 'n immobiliseerder he^ vir die versekering, wat ek wel gehad het. Maar eers toe ek eis, na elf jaar as klient van Santam, moet ek hoor die immobiliseerder is nie deur hulle goedgekeur nie en die eis betaal nie uit nie.
Ek het reeds 'n nuwe motor gekoop en ook by Santam verseker. Die verkoopspersoon het gevra of die motor, 'n Hyundai, 'n immobiliseerder het. Hy het een, van die fabriek af. Ek vra toe of dit goedgekeur is deur Santam. Sy antwoord nee. Ek se^ toe maar daar is dan 'n ommobiliseerder. Sy gaan toe net voort met die volgende vraag en 'verseker' die motor. Daar is waar die probleem begin, jy aanvaar dalk dis 'n geval van stilswyende instemming van Santam se kant dat die immobiliseerder wat jy het, tog aanvaar word. En net daar maak jy die fout, eendag nadat Santam tienduisende rande van jou geld gevat het, sal hulle beweer jou immobiliseerder is nie goedgekeur nie en daar is geen uitbetaling nie.
Deels is die skuld myne, ek moes seker self seker maak oor die immobiliseerder, maar ek gee nie eintlik om nie, die kar was min werd en die versekering het darem dinge soos derdeparty al die jare gedek. Maar daar is vir my 'n etiese probleem. Santam gaan rustig voort om jou te 'verseker' sonder dat alles dalk in orde is, goed wetende van hul kant dat al daai geld wat jy dekades lank betaal, net so in die maatskappykoffers beland.
Daarenteen bel ek toe vandag Outsurance. Eerstens is die premie laer, dit sluit ook 'n huurmotor in (wat ek nie by Santam gekry het nie) en reg van die begin af maak HULLE seker jou kar is in orde, jy moet gaan vir 'n vinnige ondersoek by Glassfit, wat ook na die kar se toestand kyk en seker maak die immobiliseerder werk, en dan is die kar werklik verseker. Dis mos reg so. Santam het skielik toe ek eis lang vrae gevra oor die toestand van die kar, alles dinge wat hulle natuurlik sou aftrek by die finale eis. En daar is geen harde bewyse wat die toestand van die kar regtig was nie, dus kan hulle enigiets beweer (en jy ook) en alles eindig in 'n kroekspul.
Ek hou werklik van Outsurance se manier, die versekeraar se agente sien die kar en kan nie later kom met allerhande bewerings nadat hulle al jou geld gevat het nie. Ek dink die blote feit dat Santam jou 'verseker' al weet hulle jou immobiliseerder is nie deur hulle goedgekeur nie, is skelm verby. Hulle vat jou geld en weet dit gaan hulle niks kos nie. Ek is nie meer by Santam verseker nie, al was dit 'n ou familietradisie.

Dis hoe dit is

2007-01-25T18:09:00.000+07:00

Ek het nou selfs probeer om te kroek, ek het die survey drie keer ingevul, want ek wil nie die Flash wees nie, ek wil Superman wees, maar dit lyk my ek is die Flash. Want al verander ek my antwoorde effens (sonder om te veel te lieg) bly die antwoord dieselfde. Jy kan seker nie verander wie jy is nie. Gelukkig het my geslag nie verander nie. Soos sekere ander mense op die blogosfeer wat hulself dalk bietjie lamgeskrik is toe hulle hul uitslae sien!

Your results:

You are The Flash

The Flash		75%
Superman		75%
Supergirl		70%
Robin		65%
Green Lantern		65%
Spider-Man		60%
Iron Man		60%
Hulk		55%
Wonder Woman		50%
Catwoman		40%
Batman		30%

Fast, athletic and flirtatious.

Click here to take the Superhero Personality Quiz

Groot veranderings

2007-01-24T21:24:00.000+07:00

Daar is 'n paar groot veranderings onderweg in my lewe. Hou hier dop vir meer besonderhede, mettertyd.

Die donker plek

2007-01-24T21:09:00.000+07:00

Ek het nou die aand Blood Diamond gekyk en dit was vir my 'n vreemderige ondervinding. Dit gaan oor die burgeroorlog in Sierra Leone en die smokkel van diamante. Dis in SA gemaak (daar is tonele waar hulle teen die berge uitklouter in Sierra Leone, maar jy weet dis eintlik Bolandse fynbos daai!) Hulle praat ook heelwat Afrikaans sonder onderskrifte (die SA huursoldate in die fliek), en selfs die tawwe Leonardo Dicaprio gebruik 'n Afrikaanse woord of twee (en het 'n verstommend goeie SA aksent). Die einste Leo het my nogal verras, ek het gedink hy kan net die rol van sagte, sensitiewe mans speel, maar hy kan duidelik ook 'n tawwe Rhodesiese huursoldaat wees. Die fliek het my laat dink oor die plek waar jy tuis voel, gemaklik voel, want in die fliek is Leo se droom om genoeg geld te maak met die diamante dat hy kan padgee van hierdie chaotiese kontinent af. Maar . . . Ek sal nie die einde vertel nie en kan dus nie heeltemal die volgende stelling verduidelik sonder om iets weg te gee nie. Tog, al was die fliek vol chaos, geweld, bloed, korrupsie, het ek snaaks genoeg daar uitgeloop en gedink, 'Ja, Afrika is 'n goeie plek om te bly, dis maar waar ek vandaan kom'. Hoe bisar is dit?

Besoeker van ver

2007-01-18T21:55:00.000+07:00

So sit ek toe gister, oudergewoonte, op my stoepie by die huis in Stellenbosch toe hierdie skouspelagtige besoeker uit die buitenste ruimte skielik by my verbyvlieg. Dis my eie foto, en dit was werklik ongelooflik, die McNaught-komeet. Hy het meer as 'n halfuur lank so verbygevlieg, totdat hy onder die horison verdwyn het. Vanaand kan mens dit glo nog beter sien.

Daai lied

2007-01-11T23:26:00.000+07:00

Ek sien Maksideem verwys ook hierna. Die 'berugte' De La Rey-lied. In Namibie (te wete Luderitz) is die lied minstens twee keer per aand in die twee plekke waar ek saans uitgehang het, gespeel. Die een plek het ook byvoorbeeld 'Troepie Doepie' (Kom huis toe . . . ) gespeel. En die meeste musiek in albei plekke was Afrikaans, minnerig wat ek in 'n kroeg was waar die musiek Afrikaans is. Nou, die De La Rey-lied puzzle my, dis 'n ongelooflike catchy lied, maar is dit rassisties of nie? Leopold Scholtz het daaroor geskryf en is nie van mening dat dit rassisties is nie. Maar ek het op die internet gesoek vir die woorde, wat ek hieronder plaas, en die enigste plek waar ek dit opgespoor het, was by www.stormfront.org, wie se logo is 'White Pride, World Wide' Daar is selfs 'n Engelse vertaling van die lied op hul webwerf. Die Namibiers met wie ek gesels het, is van mening dat die lied nie rassisties is nie, en dat Namibie verder gevorder het as SA deurdat hulle nie bang is om die lied te speel in die openbaar nie (in SA is dit op die radio verbied as ek dit reg het). Ek weet nie watter kant om te glo nie, daar is baie plekke in Namibie waar 'n mens voel of niks eintlik verander het nie en mens kry dalk die gevoel hulle speel die lied op uitdagende wyse. Ek persoonlik hou amper daarvan (soos Koos Kombuis, mooi warm gevoel in die hart). Miskien het die regses dit gekaap, maar eintlik is daar niks mee fout nie. Verwys die 'kakies' wel na die Engelse, of dalk is dit oop vir regse interpretasie? Dit rym byvoorbeeld met . . .
Hier is die woorde:
De La Rey
Op 'n berg in die nag
lê ons in die donker en wag
in die modder en bloed lê ek koud,
streepsak en reën kleef teen my
en my huis en my plaas tot kole verbrand
sodat hulle ons kan vang,
maar daai vlamme en vuur brand nou diep, diep binne my.
De La Rey, De La Rey sal jy die Boere kom lei?
De La Rey, De La Rey
Generaal, generaal soos een man, sal ons om jou val.
Generaal De La Rey.
Oor die Kakies wat lag,
'n handjie van ons teen 'n hele groot mag
en die kranse lê hier teen ons rug,
hulle dink dis verby.
Maar die hart van 'n Boer lê dieper en wyer, hulle gaan dit nog sien.
Op 'n perd kom hy aan, die Leeu van die Wes Transvaal.
De La Rey, De La Rey sal jy die Boere kom lei?
De La Rey, De La Rey
Generaal, generaal soos een man, sal ons om jou val.
Generaal De La Rey.
Want my vrou en my kind lê in 'n kamp en vergaan,
en die Kakies se murg loop oor 'n nasie wat weer op sal staan.
De La Rey, De La Rey sal jy die Boere kom lei?
De La Rey, De La Rey
Generaal, generaal soos een man, sal ons om jou val.
Generaal De La Rey.
http://www.youtube.com/watch?v=429AUoAWQdY

Brakke se hemel

2007-01-11T23:13:00.000+07:00

Ons is nou op pad terug na die Kaap met 'n stop in Hondeklipbaai aan die Noord-Kaapse weskus. Nou kyk, ek was nog nooit in my lewe 'n fan van die weskus nie, ek verstaan dit miskien nie heeltemal nie. Dis vir my grys en vaal en koud en winderig en plat en sonder enige aantrekkingskrag. En Hondeklipbaai is nogal ver van alles (met 'n lang, slegte grondpad) en dis ongelukkig regtig nie vir my nie. Die dorpie word omring deur mynhope, en dan is hier bossies en 'n grys see, en 'n paar bote in die baai. En armoedige huise en mense wat nie werk het nie. En groot, harige vissermanne met karre met CY- of CF-nommers wat in groot, buffelagtige wit bakkies op die strande rondjaag.

En het ek gese^ dis vaal en grys. O, en hier is baie rondloperbrakke (vreemd genoeg, maar dis waar.)

Net gesonde mense

2007-01-11T23:00:00.000+07:00

Ek het vreeslike mooi dinge in Namibie gesien, soos hierdie sonsondergang oor die Hardap-dam. Die nasionale parke in Namibie is vasgevang in 'n timewarp en voel vir my erg weird. Die omgewing is natuurlik skouspelagtig mooi, maar die verblyfgeriewe is alles so effe verwaarloos en so effe seventies.

By die swembad (en ook by Ai-Ais) is die swembadreels opgeplak in Duits (nogal) en Engels (dis nou al is die lingua franca in Namibie sonder enige twyfel hoegenaamd Afrikaans). Hierdie reels, vermoed ek, kom nog uit die dae toe SWA 'n kolonie van wit SA was. Daar is interessante goed soos jy mag nie 'n infeksie he^ as jy wil swem nie, of enige oop wonde nie.

Maar die bevryde Namibie se Namibia Wildlife Resorts het die reels merkbaar verkort en vereenvoudig. Hulle het egter nie die ou reels verwyder nie.

Luderitz

2007-01-08T18:48:00.000+07:00

Luderitz is seker die eienaardigste plekkie op hierdie aardbol. Ek was laasjaar ook hier en nou weer. Ons het dit hierdie slag op die reis ingesluit omdat ek daarop aangedring het, nie omdat dit so onmisbaar is nie, maar omdat dit so koel is. Die binneland van Namibie is 'n sauna op die oomblik en hier is dit minstens koel (al waai die wind erger as in die Kaap, elke dag, en die woestynsand vorm so 'n stoflagie op alles). Die plek is 125 km van die naaste ander gehuggie (Aus), en, wel, hier is eintlik niks. Mooi, ou Duitse argitektuur, stof, sand, wind en allerhande interessante karakters. Soos diamantduikers wat ons in die kroeg raakgekuier het. En vreemde Duitse toeriste met safariklere. En Portugese vlugtelinge uit Angola wat hier beland het. Dit voel asof jy letterlik aan die einde van die wereld aangekom het, dis onherbergsaam en verlate, en vreeslik nostalgies omdat die plek eintlik pragtig behoort te wees, maar die wind en sand het alles verinneweer. Hier kan jy kom wegkruip as jy wil. Die koerante daag ook eers 'n dag later op.

Een van die mooi huise en die Lutherse kerk (op rots gebou.)

Hierdie vriendelike mense was die Duitse inwoners van Luderitz in die 1930's. Let op die vlag en in die middel is 'n foto van 'n Duitse soldaat (Nazi?)

Kolmanskop, die bekende spookdorp hier naby. Die toer was in Duits (95% van die mense) en Engels (vyf mense). Jy kan net op 'n toer gaan, want dis deel van die spergebied en hulle is bang jy tel dalk diamante in die woestyn op. Die spyskaarte in die hotels en koffiewinkels op Luderitz is in Duits. Ek dink nie veel het verander sedert die dae van Duitswes nie.

Droog en dors

2007-01-08T18:39:00.000+07:00

Jammer dat ek nou eers weer post, die internet het nog nie eintlik veel byval gevind hier in Namibie nie. Om die waarheid te se^, die moderne tyd het nog nie hier aangekom nie. Soveel van verlatenheid en afgesonderdheid het jy lanklaas ervaar, ek dink nie enigiets het die afgelope vyftig dekades hier verander nie. Die afgesonderdheid is wel ongelooflik, ons ry soms tot 200km per dag sonder om enigiets (letterlik) te sien, nie ander mense nie, nie winkels nie, nie petrol nie. Hierdie is op die pad na Sossusvlei, van Mariental se kant af.

Droog, honger en dors, by Sossusvlei. O, ja, en warm.

My broer en skoonsuster klouter teen die duine uit, by Sossusvlei. Namibie is vol Duitssprekende toeriste met safariklere. En jy kan bier by die Spar of enige kafee koop, enige tyd (selfs Sondae). Maar die meeste winkels is van Saterdagmiddag tot Maandagoggend toe. Hulle verkoop selfs bier by die 1-Stops langs die hoofpaaie. Dalk nie so veilig nie . . .

Ons het net gewone koffie

2007-01-03T03:09:00.001+07:00

Ek is in Springbok, Noord-Kaap, onderweg na Namibie, suidweste van Afrika. Dit is baie, baie warm, want dit is nou somer, en in die somer is dit baie, baie warm hier rond. Ons het in Springbok aandete genuttig by 'n plek met die naam 'El Dago' wat baie mooi gelyk het van die straat af. Neonliggies en so, hier in Namakwaland. Die spyskaart was vol eksotiese disse, soos 'n bloukaasslaai en Cajun Chicken. My skoonsuster het Cajun Chicken bestel, maar dit was ietwat flou, want miskien het hulle vergeet om die Cajun-speserye by te voeg. Ek het die vegetariese bord bestel, wat heel lekker was, hoewel hulle gese^ het dit bevat groenboontjies (groot gunsteling van my) en soetwortels. Dit het soetpampoen en gewone wortels bevat. Die kelnerin was nie heeltemal daar nie, sy het vergeet om die messe en vurke te bring, sy het ook vergeet om die plekmatjies te bring, asook die sout en peper, en die slaaisous, en die ys vir ons drankies. Sy het ook vergeet om die tafel af te dek. Die tafel was naderhand baie vol. Sy het darem heel aan die einde van die ete kom vra of alles reg is en toe een bord weggedra. Daarna het sy teruggekom en nog een bord weggedra. Die lee" wynglase, koeldrankblikkies en bierbottels het sy net daar gelos, hoewel ons dit na die kant van die tafel geskuif het om dit vir haar makliker te maak. Toe ek vra of die plek filterkoffie aanbied, het sy geantwoord (gefluister, eintlik) 'Ek weet nie.' Sy het toe geloop, en (heelwat) later teruggekom met die woorde: 'Ons het net gewone koffie.' Een van die ander kelnerinne het toe vir my verduidelik hulle het net Ciro-koffie in 'n blik. Ek was steeds onseker en het toe nie koffie bestel nie. Springbok is beslis 'n gewilde plek, want al die ander reisigers hier praat Duits. Miskien kom hulle van Namibie.

Dis vir my altyd wonderlik om in 'n plattelandse hotel in een van die warmste dele van die wereld te bly en dan prentjies van koue Switserse bergtonele teen die mure te sien.

En die donker gange met interessante meubels dra by tot die plattelandsehotelgevoel.

Daar was vanaand 'n baie mooi maansopkoms in Springbok.

Hierdie is nie die hotel waar ek bly nie, maar dis vir my 'n mooi voorbeeld van Art Deco argitektuur in die Karoo. Mens sien dit so dikwels en waardeer dit nie. (Verwys na my artikel in Die Burger oor Art Deco.)

Voorspoed vir 2007!

2007-01-02T03:27:00.000+07:00

Mag almal 'n fantastiese 2007 geniet! Ek het myne by 'n pragtige huis buite Rawsonville tussen die wingerde begin, waar ons aan 'n 'Murder Mystery'-aand deelgeneem het. Ek was nie die moordenaar nie. Hierbo is ek saam met Hugo, die 'fotograaf' vir die aand, en ek in ons outfits - my naam was Willie Glitter die juwelier.

Kort voor middernag het ek en Hugo hierdie maan tussen die boomtakke raakgesien. Mens ry so deur Rawsonville en dan draai jy weg van Worcester se kant om uit te kom by die huis waar ons was. Dis baie interessant, daar is meestal wingerde, maar dan is daar een kol met so 'n paar huise tussen die wingerde, amper soos 'n dorpie, maar nie eintlik nie. Ek weet nie eens of die plek 'n naam het nie. Natuurlik word jy heeltemal omring deur die pragtige berge van Worcester oral om jou. Lekker plek om te bly . . .

En oppad terug na die Kaap, naby Worcester. Ek vertrek nou (Dinsdag) na Namibie, waar ek twee weke saam met my familie gaan toer, onder meer na Sossusvlei, Luderitz en die Visrivier-canyon. Waar ek in die woestyn ontvangs het, sal ek probeer post.

Beste wense

2006-12-24T18:39:00.000+07:00

Ek weet nie waar dit vandaan kom nie, maar Kersfees is nie my gunsteling tyd van die jaar nie. Ek is een van daai gelukkige mense wat nooit Sunday Blues het nie, maar hierdie week om Kersfees kry ek sommer so op een slag 52 Sondae se blues. (Nou met my kar wat gesteel is, is ek selfs blouer as gewoonlik . . . ) Maar dit is die tyd van deel en gee, en ek wens almal graag 'n wonderlike feestyd toe, en mag al jul wense en drome vir 2007 waar word. Ek het allerhande besluite om te neem, en ek glo die nuwe jaar sal vol eenvoudige antwoorde wees. En ek gaan nou die blues afskud en heerlik saam met die familie kuier. Voorspoed en liefde aan almal.

Legende

2006-12-24T18:13:00.000+07:00

Ek sien vandag Jappanese wetenskaplikes het die eerste keer in die geskiedenis 'n reuse-seekat (giant squid - hulle kan tot 18 meter lank word en is die soort ding waarop mites en legendes gebou word) lewendig gevang en afgeneem. Verstommend. Die BBC het 'n video daarvan. Dis een van daai dinge waarvan mens net hoor, en af en toe spoel daar 'n dooie een uit iewers op 'n strand in Nieu-Seeland, maar hier is die ware jakob.

In die woud

2006-12-24T18:01:00.000+07:00

Gister het ek my vriend Hugo gaan wys hoe lyk my grond daar by Teslaarsdal aangesien hy byna die hele jaar nie die rustigheid van die platteland ervaar het nie. Dis darem maar ongelooflik om daar op die koppie te gaan sit en afkyk oor die dorpie, met die absolute rustigheid om ons. Dit was 'n heerlik ontspannende trippie, al was die paaie 'n bietjie besig tot by Caledon. 'n Verstommende ding is besig om op my grond te gebeur, 'n natuurlike dennewoud is besig om gestalte te kry. Die denneboom hier regs was toe ek die grond gekoop het (so 'n jaar gelede?) nie eens tot by my knie nie, en kyk nou (hy staan nog 'n bietjie laer as wat ek staan op die foto). En daar is nou al drie van hulle, hierdie grootte, en nog 'n paar kleineres wat begin groei. Ek weet dennebome is nie eintlik goed vir die grond nie (so hoor ek), maar die klompie wat nou vanself begin groei, is nogal min of meer besig om 'n natuurlike heining te vorm rondom die gedeelte waar ek later wil huis bou. Ek dink ek gaan dit vir eers los, want dan is daar bome as ek eendag daar wil bly. Ek persoonlik hou van die reuk van dennebome. Moenie kyk vir my toegetrekte ogies op die boomfoto nie, die foto gaan oor die boom.

In memoriam

2006-12-23T05:04:00.000+07:00

18 Augustus 2000 tot 21 Desember 2006. Ek het vandeesweek afskeid geneem van my goeie vriend die afgelope ses jaar, wat my nooit teleurgestel het nie, soms 'n bietjie nukkerig was, maar oor die algemeen baie lojaal en betroubaar. Ek het hom selfs vir ses maande uitgeleen aan iemand anders, maar toe was hy baie nukkerig, wat vir my 'n goeie teken van sy lojaliteit teenoor my was. Hy was al saam met my die hele land vol, veral een baie lang reis: ons het van die Kaap kuslangs, oor Grahamstad, Umtata en Port St Johns na Durban gery, toe oor die Drakensberge na Johannesburg, daarna Kuruman en Upington, toe oor die Namibiese grens by Onseepkans, al die pad tot in Luderitz (met grondpaaie meestal, deur 'n rivier wat besig is om af te kom waar 'n groep Duitse toeriste langs hul gehuurde 4x4 vir ons gestaan en hande klap het), van Luderitz by die Visrivier-canyon verby, met die N7 af terug na die Kaap se kant, oor Calvinia en Nieuwoudtville tot in Sutherland en toe terug Kaap toe. Maar helaas, hy is vandeesweek in Vredehoek in die Kaap gesteel. Mag die skelm baie sleg slaap. Ek praat natuurlik van die kar en nie die man op die foto nie.

Teater van die absurde

2006-12-14T21:14:00.000+07:00

Die jongste nuus van Noord-Korea se nuusagentskap (via Japan, want daar is geen internet-toegang in Noord-Korea nie):
Pyongyang, December 13 (KCNA) -- Rodong Sinmun Wednesday dedicates an article to the anniversary of the publication of President Kim Il Sung's famous work "For a Great Revolutionary Upswing in Socialist Construction" on Dec. 13, Juche 45 (1956). The work has served as a powerful weapon which encouraged the Korean people to dynamically advance the revolution and construction, confident of and optimistic about sure victory and a militant banner which enabled them to make uninterrupted innovations and advancement in the teeth of difficulties under whatever circumstances.
The undying leadership exploits performed by Kim Il Sung in setting an epochal example in building socialism by arousing all the people to a revolutionary upswing are being successfully carried forward and developed by Kim Jong Il today.
The sagacity of Kim Jong Il's leadership in guiding the great Songun revolutionary upswing to victory lies in that he showed a shortcut to the building of a great prosperous powerful nation by setting out the most correct line and policies. They include the lines of attaching importance to the arms, ideology and science, the line of building economy in the era of Songun with a powerful defense industry as its core, the policy of effecting a dramatic turn in seed selection and in potato farming, the policy of double-crop farming and the policy of face-lifting the appearance of the land of the country through large-scale land realignment projects and waterway projects.
That's why the Korean people are vigorously stepping up the general march of Songun revolution, full of confidence and optimism, regarding the party's line and policies as the most judicious.
The sagacity of Kim Jong Il's leadership in guiding the great Songun revolutionary upswing to victory also finds manifestation in unfolding a new history of building a prosperous country with persevering ability of practice.
To his leadership the DPRK owes its dignity as an invincible powerful country which no formidable enemy dare provoke and the fundamental turns on all fronts of socialist construction. The Korean people are now working miracles and performing feats every day, fulfilling whatever difficult tasks by their own efforts and technique and their own way once they are determined to do. They keenly realize the greatness of the Songun revolutionary leadership of Kim Jong Il who leads the building of a prosperous country with steel-like faith and persevering ability of practice, looking far into the future.

Back in the USSR

2006-12-05T03:00:00.000+07:00

Hierdie kom van 'n interessante foto-feature op BBC se webwerf oor propagandakuns in Vietnam. Hier is een van my eie foto's wat ek in Saigon gneem het. Dis vir my 'n baie interessante kunsvorm, en wonderlik dat die grote Amerika uitgeslaan is! Die posters laat my dink aan die ou dae van die koue oorlog en die Sowjet-Unie en spioene wat oorloop en die Berlynese muur en sulke dinge. (Ek raak skoon nostalgies toe ek gisteraand op TCM 'n ou fliek van Chalton Heston kyk, Skyjacked, waarin 'n vliegtuig gekaap word en na Moskou toe moet vlieg. Alte lekker. Ek wou as kind altyd baie graag die USSR gesien het, nou bestaan dit nie meer nie. Al wat oorbly is Noord-Korea, en seker op 'n ander vlak Vietnam en Laos en China, hoewel hul ekonomiee allesbehalwe kommunisties is).
Ek het as kind op kortgolfradio na radiostasies soos Radio Moskou en Radio East Berlin, the Voice of the DDR, geluister en soms het hulle selfs vir my poskaarte gestuur. Nogal altyd in die styl van die foto's soos die een hierbo.

Pluimpie

2006-11-30T20:03:00.000+07:00

Ek kan nie anders nie, ek moet 'n pluimpie hier gee vir die SA Poskantoor (wat my al soveel hoofbrekens in die verlede gegee het). Ek pos gister, om 13:30, 'n 'Fastmail'-brief met belangrike dokumente (vir die oordrag van my huis in die Karoo) na Hopetown (so 200km suid van Kimberley). Die brief is in Roggebaai, Kaapstad, gepos. Vandag om 12:21 ontvang ek e-pos van die prokureur op Hopetown dat hy my dokumente gekry het. Minder as 24 uur later! Ek is verstom. Die poskantoor het of die brief gistermiddag opgevlieg Kimberley toe en toe per pad na Hopetown gevat, of gister baie kort nadat ek die brief gepos het, dit op 'n trokkie na die Noord-Kaap gelaai. Wys jou net, dit kan gedoen word.

Daar is net niks

2006-11-28T04:45:00.000+07:00

Ek gaan Februarie hiernatoe en probeer al die afgelope week of wat om 'n guide book oor die plek te koop. Nie dat ek ooit die guide book se praktiese wenke gebruik nie (in my ondervinding is hulle byna altyd verkeerd) maar wel vir agtergrondinligting, geskiedenis ens. Maar daar is wraggies geen boekwinkel in die Kaap wat enigiets oor hierdie plek het nie (wel, snaaks genoeg, oor sy meer ongewilde buurman). Ek was by al die Exclusive Books-takke (Tygervallei, Waterfront, Stellenbosch, Kloof, Somerset Mall) en vele ander boekwinkels, ook tweedehandse boekwinkels van Observatory tot Stellenbosch. Maar, helaas. Dit maak my natuurlik net meer lus om te gaan. Duidelik is dit wel nie 'n baie geiwlde bestemming vir SA mense nie. Wie kan raai? Dis nie so obvious as wat dit dalk uit die foto lyk nie.

Dis my huis

2006-11-21T02:51:00.000+07:00

Ek het hom toe gekoop. Eintlik al twee weke gelede, maar dinge beweeg stadig op die platteland. Die agent het Vrydag eers vir my gese^ my aanbod is aanvaar, nadat ek haar gebel het. Dis die laaste goedkoop huis op die SA platteland. Verder ondertoe is bietjie meer oor die dorp.

Dis my land (finaal)

2006-11-21T02:25:00.000+07:00

Die laaste paar foto's van my blitsreis deur die land. Vissers by Vishoek (waar anders?)

Een pikkewyn in die suidpool, aan die Kaapse Waterfront. (Die nuwe yskroeg daar is 'n interessante gedagte, maar vir die prys kan jy eintlik maar vir 'n rukkie in enige drankwinkel se koelkas gaan staan, dit voel en ruik dieselfde.)

En een pikkewyn by Boulders in Simonstad.

Sononder in Afrika. Die foto se naam is 'Touch the Sky'.

Alml wou graag die besonderse sonsondergang by Clifton vasvang.

Koebaai Jeff. My vriend is terug na Kuala Lumpur, maar ek is oortuig daarvan hy gaan met nuwe kennis oor SA terug en sal beslis weer hier 'n draai kom maak. En ek sal natuurlik gou weer soontoe gaan, sy land is vir my so spesiaal soos my land vir hom is.

Dis my land (3)

2006-11-17T04:03:00.000+07:00

Hierdie reeks gaan nog 'n rukkie aanhou, want nou dek ek eers die Kruger-wildtuin en dit was aan die begin van my blitsreis deur die land om my Maleisiese vriend in te lyf in die wondere van Afrika. Die Kaap kom nog. Pienk Zuit was ook onlangs in 'n nasionale park, Addo, en ons is albei van mening dat SA se nasionale parke tops is. Die geriewe is wonderlik, die pryse is goed en wat jy daar beleef, kan jy op min ander plekke beleef. Ek was diep beindruk met Kruger, ek was meer as ses jaar gelede daar en dis net so wonderlik soos altyd. Daai grootsheid en die wildheid is darem net spesiaal. En my Oosterse vriend het ook so gedink.

Jeff iewers langs die pad tussen Orpen en Satara. Hier mag jy uit die kar klim, ek onthou baie goed 'n paar jaar gelede toe 'n Taiwannese toeris opgevreet is toe hy voor 'n leeumannetjie gepose het vir 'n foto . . .

Kuiergaste by die tent, elke oggend en elke aand.

Hierdie wonderlike tent is baie billik geprys en heerlik! Binne het ek gevoel of ek eintlik in 'n luukse safarioord is en nie in 'n nasionale park nie.

Maar selfs in die Kruger wink die nagliggies soms . . .

Hoe dan nou anders as die amperse volmaan ons geselskap hou.

Nou wat staan nou weer op hierdie bottel geskryf . . .

Dis my land (2)

2006-11-14T20:45:00.000+07:00

Pelgrimsrus het 'n besige klein plekkie geword sedert ek laas, baie, baie jare gelede, daar was. Die strate wemel van mense en daar is nou selfs modelle waar jy kan poseer vir 'n foto, teen 'n fooitjie natuurlik.

God's Window in Mpumalanga. Enough said.

Dis nie die Jakarandastad nie, maar dis die eintlike Jakarandastad. Hoeveel mense weet dat Johannesburg die grootste mensgemaakte woud in die wereld is?

Hoekom

2006-11-14T20:33:00.000+07:00

Die Chinese vertel:
Hoekom raas krieke so?
Want hulle wil graag vir ons (as mense) 'n baie mooi storie vertel, maar ons verstaan nie hulle taal nie. Maar hulle wil regtig die storie vertel, want dis belangrik, so hulle hou aan en aan om te probeer.
Mooi, of hoe?

Dis my land

2006-11-09T20:11:00.000+07:00

Ek het pas teruggekom van 'n heerlike blitstoer deur ons pragtige land (hierdie post se datum is verkeerd, ek het die foto's Donderdag gelaai, maar nie tyd gehad om verder te post nie. Dis nou Sondag.) Ek is steeds in ekstase. Daar is darem nie nog so 'n mooi plek nie. Ek gaan nog 'n paar keer post oor die plekke wat ek saam met Jeff, my Maleisiese vriend wat vir my kom kuier het, gesien het. Dit was baie interessant om 'n reis saam met 'n buitelander deur my eie land mee te maak, ek sien dinge wat ek dalk sou gemis het. Iets wat my onmiddellik opgeval het op hierdie trip is dat toeriste in SA nie meer plaaslike mense is nie - al die plekke waar ons was, was meestal vol buitelanders, in sommige gevalle was ek die enigste SA mens. Dit is seker ook omdat dit nie nou vakansietyd is nie, maar ek onthou nog die dae toe mens buiteseisoen in SA gereis het en jy byna geen siel gesien het nie, beslis nie buitelanders nie. Dit voorspel baie goeie dinge vir die bedryf en die land.

Ons het 'n lekker Opel Corsa Sport, splinternuut, gehuur vir die trippie af wildtuin toe. Jeff is 'n Chinese Maleisier en baie, baie lief vir die kamera. Hy neem alles af. Dis op die tweede dag in die ooptes van Mpumalanga daar by Witbank se wereld, wat selfs vir hom mooi was omdat dit so oop is, al is dit darem nou regtig nie die mooiste plek in die land nie.

By die Old Transvaal Inn op Dullstroom, waar Jeff braaf genoeg was om pap en wors en potjiekos te probeer. Hy het gese^hy is nou in SA, en wil SA kos eet. Nogal anders as party ander Oosterlinge saam met wie ek al gereis het, wat net hul eie land se kos wil eet, come hell or high water. O, die Chinese lyk almal so jonk.

Toe ons oor die platorand daar by Pelgrimsrus se wereld ry, wou Jeff net foto's neem. Hy het dit "Broken Mountain" genoem. Hy het gese^ my land is so rustig en so mooi, hy kan nie verstaan waarom ek graag in Asie wil gaan werk nie.

Die Blyderivier-canyon. Ekself was baie lanklaas hier en dit was net eenvoudig skouspelagtig. Ek wil graag vir die Kapenaars wat reken dat die beskaafde wereld duskant Worcester ophou se^: julle mis uit! Ek was baie, baie lanklaas in Mpumalanga en het nie besef wat ek gemis het nie. Die berge, die uitsigte, die vars, blou lug. Die grootsheid van dit alles.

Wys hom alles

2006-11-03T01:02:00.000+07:00

Volgende week loop rondloper weer rond. Jippieee! Ek kry 'n besoeker van Kuala Lumpur en dan gaan ek hom op 'n blitstoer deur die land vat. Ongelukkig kom hy net 'n week, maar ek gaan hom die beste van SA wys. Ons gaan Krugerwildtuin (ek moet hom darem wilde Afrika wys) toe, via Mpumalanga en die Blyderivier-canyon, en dan vinnig afvlieg Kaap toe vir 'n paar dae hier. Meer kan jy nie in so 'n kort tyd sien nie, en beter ook nie. In Kruger gaan ons in een van die safaritente soos op die foto hierbo bly, in Tamboti-kamp. Ek was lanklaas daar, kan nie wag nie.

Drama

2006-11-03T00:41:00.000+07:00

Toe ek 'n kind was in Roodepoort het ek hierdie op kasset gehad, 'n copy van 'n copy en die klank was maar power. (Dis natuurlik die oorspronklike teks se weergawe, nie die Tom Cruise-ding van onlangs nie.) Vandag loop ek in Look and Listen in Canal Walk rond en wat 'n verrassing, die War of the Worlds musiekblyspel op CD verwerk in 'n pragtige houer met 'n lekker dik boekie by. Koop, koop! Ek is vanaand baie gelukkig, dis heerlike musiek. En tog so dramaties. Vat my ver terug.

Halfwegstop

2006-11-02T17:23:00.000+07:00

Ek gaan binne die volgende twee dae besluit of ek wel hier, Strydenburg in die Karoo, 780 km van Kaapstad en omtrent dieselfde afstand van Johannesburg, minder as twee uur van Kimberley, 'n vakansiehuis wil koop. Die dorp is bekend vir die groot pan (regs op die foto as jy mooi kyk, maar dis nou droog) wat nadat dit gereen het 'n see van pienk flaminke word.

Straattoneel. Karoo-huisies en grondpaaie. Die Karoo is besig om groot te raak, maar hier is dit nog baie goedkoop.

Daar is heelparty huise op die mark. Hierdie is een van die twee waaruit ek wil kies. Spotgoedkoop. Kort aandag.

Hierdie is die tweede opsie. Dubbel die prys van die vorige een, groter, baie netjies, maar ongelukkig binne 'gemoderniseer'. Al die karakter, soos die houtvloere en mooi, ou deure is uitgehaal en vervang met nuwerwetse dinge. Maar wel baie netjies.

Spesiaal vir Willem

2006-11-01T02:53:00.000+07:00

Ek is nou 'n vryskutwerker hier.

Een aand in Victoria-Wes

2006-10-23T23:07:00.000+07:00

In die ewigdurende soeke na 'n sinvolle nuwe rigting in my lewe (die les, moenie jou werk bedank, jou gastehuis verkoop en dan lank gaan reis as jy nog nie heeltemal besluit het wat jy daarna wil doen nie), wat my nou al geneem het na Kambodja en terug na SA, het ek die naweek besluit om die Karoo in te ry op soek na 'n huis. 'n Goedkoop huis, wat ek bloot wil koop as belegging en moontlik later sal gebruik as blyplek of dalk as gastehuis. Ek het Victoria-Wes (te duur vir my - die Karoo se pryse het skerp gestyg, minder as R300 000 kry jy nie sommer nie, wat baie is vir die Karoo), Britstown en Strydenburg aangedoen. Die Goue Tweehonderdmyl, sal ek dit graag noem. Victoria-Wes is tog te pragtig en fraai, maar reeds ontdek en oorvol. (Ek slaap vanaand in Victoria-Wes in 'n gastehuis wat homself as 'luuks' adverteer, ingerig is soos Biggie Best, en my kamer stink na riool). Britstown is mooi, en toe Strydenburg, godverlate, op die N12 onderweg na Hopetown en dan Kimberley.
Ek dink ek hou van Strydenburg. Baie klein plekkie, daar is al 'n paar huise wat opgekoop is deur 'inkommers' wat die huise al reggemaak het, lyk baie mooi. Maar die hoofstraat is 'n hartseerstorie. 'n Hotel, 'n gastehuis, 'n supermark en (vreemd genoeg) 'n Chinese winkel. En 'n paar geboue wat net leeg staan. O, en 'n meubelmaker.
Daar kan ek 'n baie groot huis in 'n baie goeie toestand, ou Karoo-huis, koop vir min geld. Ek dink nou regtig daaraan, vanaand is die aand wat ek daaroor slaap, en more sal ek besluit. Want ek het met die hele Kambodja-episode besef ek wil wraggies nog baie reis, maar myself nie vasmaak op 'n plek waar ek baie geld gaan spandeer en niks daarvan sien nie. Dan eerder die geld wat ek daar wou gebruik, op 'n huis hier in SA gebruik (hoe's daai vir Proudly South African) en dan weer gaan reis, met die wete dat ek my grond by Teslaarsdal en my huis in die Karoo het. Iets om na terug te keer. Dan kan ek mos weer gaan reis en werk vir peanuts as dit daarop neerkom.
Wat vir my lekker is van Strydenburg, dis diep die Karoo in, die stilte en die oopte wat ek soek, maar dis naby 'n groterige stad, Kimberley (so 200 km), dus nie te ver van die beskawing nie. Veel nader as Sutherland aan groot plekke. En dis op die N12, dus minstens in vakansietyd is daar baie vakansiegangers onderweg tussen die Kaap en Johannesburg wat die N12 eerder as die N1 gebruik.
Anyway, soos ek toe nou al dieper die Karoo inry, toe tref dit my dat daar 'n interessante patroon is. Toe ek wegbreek van die korporatiewe wereld, het ek Sutherland toe gegaan. Toe gaan soek ek iets in Sihanoukville. Toe gaan woon ek in Stellenbosch. Nou gaan soek ek iets in Strydenburg. Toeval? En verder, sover ek kan onthou het ek al baie dikwels in huise of woonstelle met die nommer 13 of 27 gewoon. Roodepoort was 13, Blouberg was 13, my woonstel in Woodstock was 13, my huis in Sutherland was 27, my eerste huis in Parklands was 27, Stellenbosch is 27 . . . Waar's die numeroloe" onder my lesers. Verklaar dit vir my toe. Ek weet nie wat die huis in Strydenburg se nommer is nie.

Werksoek

2006-10-21T03:00:00.000+07:00

In vandag se (Suid-Afrikaanse) Mail and Guardian:
Position: Director of International Model Scouting
Requirements: Applicants must be fluent in English, Russian, Greek and Bulgarian.
Minimum of 4 years experience within the international model industry.
Belangstellende multi-linguistiese mense kan epos stuur na info@3dmodelagency.com.

Ou woorde

2006-10-19T21:25:00.000+07:00

Wanneer laas het iemand die woord 'divan' gehoor?
Soos in: Jy kan vanaand oorslaap, sommer op die divan.
Daar's baie sulke ou woorde wat mens nie meer aldag hoor nie. Wie ken nog?

Gratis en verniet

2006-10-16T04:43:00.000+07:00

Ek hou van dinge wat gratis is. Dis hoekoem ek gereeld musiek-podcasts aflaai op itunes, want dis heeltemal wettig en jy kan basies jou eie albums skep deur CD's te sny van die goeters wat jy aflaai. En hierdie maand het ek 'n ander bonus ontdek, as gereelde Insig-leser het ek in my jongste uitgawe van die tydskrif 'n gratis cyber-CD (soos hulle dit noem) ontvang. Dis 'n CD met lekker Afrikaanse musiek wat jy by www.rhythmrecords.co.za kan gaan aflaai. Doen daar 'n search vir 'Insig', dan sal jy by die Insig-album uitkom, en jy kan die hele CD gratis aflaai. Al lees jy nie Insig nie. Dankie, rondloper.

Die wondere van die vrye mark

2006-10-16T04:06:00.000+07:00

Is ek die enigste een wat reken Suid-Afrika is party maal 'n baie duur land. Ek dink lankal kos (uiteet) hier by ons is regtig buitensporig duur as jy dit vergelyk met lande soortgelyk aan ons. Ook hotelverblyf, dis sommer net absurd. Maar vandag het ek dit eintlik oor vliegkaartjies. Ek wil die naweek wat kom Knysna toe gaan om by my neef te gaan kuier. Hy werk in die buiteland en ek sien hom baie min, maar ons is groot vriende, dus doen ek moeite as hy terug is hier om hom te sien. Maar van die Kaap na George kos 'n vliegkaartjie omtrent R2200, retoer. Dis nou vir 'n vlug van nie eens 450km nie. (Ek het nie tyd om te ry nie, want ek het baie werk gekry sedert ek terug is, dus het ek net oor die naweek tyd om soontoe te gaan, want my neef vertrek weer volgende Dinsdag).
Vergelykenderwys:
My vlug van Singapoer na Delhi (met 'n gratis stop in Colombo) met Sri Lankan Airlines het basies dieselfde gekos, R2500, retoer. Dis 'n vlug van by die 3000 km. Met volledige diens, nie 'n low cost-vlug nie. Ook nie 'n spesiale afslagkaartjie gewees nie, net 'n gewone ekonomiese klas-kaartjie op die internet bespreek.
My vlug van Auckland na Apia in Samoa, ook so amper 3000 km, was maar omtrent R1800, retoer. Selfde storie, gewone ekonomiese klas, op Air New Zealand (nou wel nie die beste lugdiens wat daar is nie).
Dis net twee voorbeelde van vele. Maar hier in Afrika, jy kry wel goedkoperige kaartjies op die budget-lugdienste (steeds nie die wonderlike pryse wat jy op Air Asia of Easyjet kry nie), maar gewone vlugte is geheel en al buitensporig. Hoekom? Duidelik maak iemand vreeslik baie geld.
Dis net soos die internet service providers. Ek lees nou die dag iewers dat in Engeland kan jy 'n basiese broadband pakket kry teen 'n spoed wat ons nie eens van kan droom in SA nie vir so 10 pond per maand. Ons goedkoopste aanbod is omtrent R500 per maand, en jy moet jouself vasteken vir 24 maande! In Kambodja en Vietnam is openbare broadband (soos in coffee shops) gratis of kos amper niks. Hier kos dit van R15 per uur tot R50 per uur. Hoekom?

Vol lewe

2006-10-07T21:31:00.000+07:00

Ek het pas hierdie boek klaar gelees. Dit het my 'n tydjie gevat, ek het dit inderdaad in Delhi gekoop kort voordat ek Sri Lanka toe is, wat nou al 'n hele paar maande gelede is, maar ek het nog nie daarby uitgekom nie. Ek het dit juis gekoop omdat die skrywer van Sri Lanka is (hy woon nou in Kanada) en ek graag iets oor die land wou lees voordat ek daar kom. Maar eerder laat as nooit, ek het nou terug by die huis tyd gehad hiervoor en wat 'n wonderlike boek. Ek het dit basies in een dag klaar gelees, dis een van daai mooi stories wat jy nie kan neersit nie. Ek lees graag enigiets wat my iets oor myself leer, en as dit dan nog in 'n mooi storie vertel word, soveel beter. En sy verduidelikings van die landskap en stadsomgewing in Sri Lanka is wonderlik, ek kan allerhande dinge voor my geestesoog oproep soos ek die boek lees. Dis 'n 'coming of age'-storie, ek wil nie veel verklap nie indien iemand dalk dit wil lees, maar soos so baie van die boeke waarvan ek hou, gaan dit oor die hoofkarakter, Amrith, se soeke na sy plekkie in die son, en wat hy uiteindelik kry. Miskien was dit nou goed vir my om dit te lees omdat ek juis ietwat tussen die boom en die bas sit. Ek het minstens weer maklik genoeg werk gekry sedert ek terug is (volgende week gaan ek inderwaarheid vir twee weke vas op kantoor sit, sal 'n nuwe ondervinding wees!), en my voorlopige plan is om tot vroeg volgende jaar hier in SA rond te hang, ek gaan einde Desember twee weke Namibie toe en ek wil miskien volgende jaar vroeg Rwanda en Tanzanie toe gaan, en dan in die tweede kwartaal gaan ek weer Asie" toe - ek het nog nie alles gedoen en gesien daar wat ek wil nie. En miskien is ek volgende keer gelukkiger met die gastehuis-soektog daar, of dalk 'n ander geleentheid. In elk geval, dis lekker om terug te wees in Stellenbosch, die dae is mooi en die kaal bome het in net die maand wat ek in Kambodja en Vietnam was blare gekry - die lente is vol lewe en ek ook.

Sirkels

2006-09-28T17:19:00.000+07:00

Die afgelope week of wat was maar stillerig aan my kant, ek was in Kuala Lumpur, waar ek net gerus het, en het toe 'n blitsvinnige draai in Phuket gemaak op pad terug na Bangkok vir my vlug terug na Johannesburg. Ek kan oor vier interessante waarnemings hier berig.
1. In Phuket kan 'n mens mieliepasteie koop. Vir iemand soos ek wat nie vleis eet nie, maar tog soms lus is vir 'n lekker pastei, is dit wonderlik. En 'n fantastiese afwisseling van die gewone feta en spinasiepastei.
2. 24 uur is heeltemal te min tyd in Phuket.
3. Op die terugvlug van Dubai na Johannesburg, het die vliegtuig 'n draai gemaak oor die Palm-eilande, die mensgemaakte eilande in Dubai in die vorm van 'n palmboom. Ek moet bieg, ek het gestaar en gestaar, ek was heeltemal stomgeslaan toe ek dit sien. Mens hoor daarvan, maar jy verwag nie dis so indrukwekkend nie. Baie mense se^ Dubai is soos 'n fantasiewe^reld, en die bietjie wat ek uit die lug gesien het, bevestig dit. Die Palmeilande het voorheen vir my net te onwerklik geklink om werklik te wees, maar nou het ek gesien dis werklik. Verstommend. En dis nog nie eens 'Die We^reld', hulle volgende eilandprojek nie.
4. Emirates vlieg oor Somalie" op pad na Suid-Afrika. Uit die lug sien jy net sand en woestyn. Nou ek het onlangs gehoor die Amerikaners praat van Al Kaida-basisse in Somalie - sou kommersie"le vliegtuie nie 'n maklike teiken wees nie? Ek het nogal die hele tyd, meer as 'n uur, wat ons letterlik van noord na suid oor Somalie" gevlieg het, onder meer oor Mogadisjoe, hieroor gewonder.

Jammer die foto is so dof, maar daar was BAIE stof in die lug. Mens kan tog sien hoe indrukwekkend die Palmeilande is. Vergelyk die grootte met die seilskip-hotel in die voorgrond (die Burj al-Arab, mens sien dit altyd in Emirates se advertensies, die hoogste hotel ter we^reld - 305 m. Hy staan ook op sy eie, mensgemaakte eiland. En interessant genoeg lees ek nou Murray en Roberts van Suid-Afrika het dit gebou, ek het dit nie geweet nie.)

Die vorige keer toe ek teruggevlieg het van Dubai, het ek geskryf oor hoe mooi Zanzibar uit die lug gelyk het. Hierdie keer het ek 'n foto geneem.

Die gemaklike lewe

2006-09-23T14:15:00.000+07:00

Ek moet bieg, ek hou darem soms van die gerieflike lewe. Dis vir my verskriklik lekker om nou in Kuala Lumpur in blink winkelsentrums rond te hang en by fancy coffee shops die ure te verwyl. Darem 'n wereld verwyder van Kambodja! ESPN het gisteraand 'n onderhoud met my gevoer oor die naglewe in KL se 'Asian Heritage Walk'. Ek het nie eens geweet van die plek nie, een van my vriende hier het my gisteraand soontoe gevat. 'n Hele straat vol restaurante en nagklubs in gerestoureerde geboue. Nogal soos Boat Quay in Singapoer, net sonder die rivier. So, diegene wat gereelde ESPN-kykers is, miskien sien julle rondloper een van die dae in 'n program oor KL se naglewe.

Ek is (nog) nie in Thailand nie

2006-09-20T18:08:00.000+07:00

Ek is in Maleisie, nie Thailand nie. Daar is dus geen rede vir kommer nie. En al was ek in Thailand, die staatsgreep was bloedloos en daar is nou bloot 'n militere regering, niks nuuts in Thailand nie (dis die sewentiende een sedert die Tweede Wereldoorlog). Ek gaan eers oor drie dae soontoe. Die groter probleem deesdae in Thailand is die burgeroorlog in die suide van die land, wat maar min publisisteit in die buiteland kry. Daar was so drie dae gelede 'n bomontploffing waarvoor Moslem-separatiste verantwoordelikheid aanvaar het in Hat Yai, gewilde suidelike toeristedorp. Een buitelander is dood. Maar dis baie streeksgebonde.

Kies kant

2006-09-19T15:03:00.000+07:00

Dis vir my verstommend watse verskil 'n grenslyn kan maak. Vietnam was vir my ongelooflik lekker. Voorheen het ek baie mense ontmoet wat nie van Vietnam gehou het nie, hulle het gekla die Vietnamese is bietjie lastig (bedelaars, verkopers) en skelm. En dan het ek mense ontmoet wat dieselfde oor Kambodja gese^ het. Dit was duidelik dat baie mense of hou van Kambodja, of Vietnam, nie albei nie. Jy is 'n Vietnam-mens of 'n Kambodja-mens. Nou, ek is albei, maar ek moet se^ vir my is Vietnam by verre die beste. En die grootste verskil, dis skoon. Ongelooflik skoon. Gisteraand toe ek oor die grens ry terug in Kambodja in, is dit ongelooflik opvallend: aan Vietnam se kant silwerskoon, aan Kambodja se kant smerig vuil. Ek verstaan dit nie eintlik nie, albei lande het baie arm mense, hulle is bure, maar die een kant van die draad is skoon en die ander kant vuil. Ek dink dis deel van 'n nasie se psige - party lande is nou maar net skoon en ander nie. Dink Botswana. Relatief ryk, maar smerig vuil. Zimbabwe langsaan, arm, maar silwerskoon. Ek hou steeds van Kambodja, baie mooi plekke en nice mense, tog jammer hulle is so lief vir rommelstrooi. En my ondervinding in Vietnam was goed, ek voel nie ek is ooit ingeloop nie, ek het nice mense ontmoet, en dis 'n pragtige plek. Dus is ek 'n Vietnam-mens.

Nog 'n pad

2006-09-17T22:32:00.000+07:00

Een van daai wonderlike spirituele plekke wat mens soms raakloop langs die pad staan so 100km buit Saigon, die hoofsetel ('Holy See') van die Cao Dai-godsdiens, 'n Vietnamese uitvindsel wat so tussen drie miljoen en agt miljoen (niemand weet regtig nie) aanhangers het, meestal in Vietnam en Kambodja, klein bietjie in Amerika. Die wonder hiervan is, soos die Ba'hai, en meer as dit, het hulle omtrent elke denkbare geloof alles saamgevoeg tot een nuwe geloofstelsel, wat vreeslik baie van die dinge wat die mens tot dusver weet van godsdiens en die mistieke saamvoeg. Ook die wetenskap, want alles het begin by die Big Bang, glo hulle. (Soos ook die Kabbaliste.) Ek moes net gaan kyk, en is geinspireer om meer oor hulle op te lees.
Daar is heelparty eienaardighede: in kort is hulle 'n vermenging van die Boeddhisme en die Confucianisme en Taoisme, maar ook die Christendom, Islam, voorvadergodsdienste en nog veel meer. Hulle glo die mens leef nou in die 'derde alliansie' met God, en hul profete sluit in mense soos Victor Hugo, Thomas Jefferson, Jesus, die Boeddha, William Churchill et al. Hulle hou 'seance' en ontvang so mistieke gewaarwordings.
Op hul eie webwerf skryf hulle die kernbeginsels van wat hulle glo, is:

God
God is the Original Spark of Life who creates the whole Universe, including Human beings.
God reigns within each of us and within every of his creatures. To look for God, we have to look back deep inside ourselves.
God is not a person. God is the Supreme Law which creates Life and governs the Universe.

Love
Love is the conerstone of the Cao-Dai teaching.
Love should start within the family cell and extend to the country and the whole world.
We cannot love God or love the world without first loving our parents and our family members
Cao-Dai preaches harmonious relationship with ourselves, with every other human beings, with every creatures of God and with the Universe.

Man
Every human being has his Origin in God The Father. Every one of us has God Within.
Man comes to this Earth plane to grow spiritually to become One with God.
In becoming One with God, Man can help God create the Universe.

Al die mooi dinge van alles wat ons ken, saamgevoeg in een. 'n Baie goeie opsomming van hul geskiedenis en beginsels verskyn hier. Lees dit gerus as jy belangstel. Dis vir my fassinerend. 'n Lekker tong-in-die-kies-reisartikel hier of Wikipedia het ook verskeie skakels.

Ek is 'n mol

2006-09-16T18:47:00.000+07:00

Vandag by Cu Chi, so 50 km buite Saigon, na die tonnels gaan kyk wat die Vietcong gehelp het om die oorlog teen die imperialiste te wen. Fassinerend. Die dag het begin met 'n prettige propagandafilm met sulke opswepende musiek en beelde van Vietnamese soldate wat die Amerikaners met 'n glimlag afmaai. Hier is ek binne in een van die tonnels.

En klouter uit. Die Amerikaners kon nooit die tonnels vernietig nie, hulle het alles probeer. Die Vietnamese het selfs tot binne in die Amerikaanse basisse gegrawe. Die Cu Chi-gebied was 'n 'Free Bomb Zone' wat beteken het Amerikaanse bomwerpers wat nie al hul bomme verder noord afgegooi het nie, het dit op Cu Chi laat val voordat hulle in Saigon geland het. Cu Chi is die mees vernietigde deel in Vietnam gewees, platgevee, met gifgasse bestook, bosse vernietig en mense voor die voet vermoor. Maar die Amerikaners kon dit nooit oorneem nie. Daar was meer as 250 km se tonnels en van hulle tot tien meter diep.

En die ou wat voor my in die tonnel gekruip het, het Afrikaans gepraat. Hy't vir sy meisie iets geskreeu in die lyn van: 'Donners kruip net man'. Jy kan nie regop staan binne nie. Van die tonnels wat ons gesien het, was rekonstruksies en van hulle die ware Jakob.

Die Vietnamese se veldkombuis. Daar is ook hospitale, klerefabrieke, wapenfabrieke. Alles so half-ondergronds, met dan tonnels (regs van die blou bak op die regterkant) waarheen hulle kon vlug as die Yanks kom.

En as al die oorlogdinge die adrenalien in jou wakker maak, kan jy elke denkbare outomatiese geweer (soos 'n AK47) op die skietbaan gaan gebruik. Vir net so R10 per koeel. Ek het nie geskiet nie.

Wanneer u die sein hoor, is dit . . .

2006-09-15T18:01:00.000+07:00

Saigon se eenvoudig ongelooflike hoofposkantoor.

Met 'n groot verrassing binne, die tyd in Pretoria word ook by die telefoonhokkies aangegee.

En dis hoe dit binne lyk. Ek sal elke dag hier kom briewe pos as ek in Saigon gewoon het.

Interessante kontraste op straat. Aan die een kant hierdie propagandaplakkate (reg oorkant die Katolieke katedraal).

En dan net oorkant die straat, by die baie posh Diamond-afdelingswinkel, die wonders van die kapitalisme.

Parys van die Ooste

2006-09-14T17:53:00.000+07:00

Ek het 'n nuwe gunstelingplek in die wereld: Saigon. Vandag hier aangekom op 'n baie gemaklike en vinnige bustrippie van Phnom Penh af, en wat 'n wonderlike, wonderlike stad! Verskoon asseblief die cliche, maar reisboeke praat van Saigon as die Parys van Asie". Nou ek was nog nooit in die Parys van Europa nie, wel in die Parys van Suid-Amerika - en ek dink al is dit so 'n groot cliche is die vergelyking wel waar. Die stad is pragtig, blombakke wat hang op gekartelde ysterbalkonne, bree" boulevards, chic staartkafee's en modewinkels, statige, ou geboue, en baie, baie bome. Ek het vandag 1 000 000 (een miljoen) dong (die plaaslike geld) by die bankmasjien getrek, ek moes kies tussen opsies tussen 100 000 en 2 miljoen. Toe kies ek maar 1 miljoen, wat ek later uitwerk so R500 is. Nog 'n plek waar mens gewoond moet raak aan baie nulle by die pryse. Wat, mag ek byvoeg, baie laag is. Dis 'n heerlike verligting om hier te wees, ek het begin mismoedig raak in Kambodja omdat my planne nie wil uitwerk nie. Maar dit maak nie meer saak nie. 'n Interessante waarneming, Vietnam is teoreties 'sosialisties', hoewel hy maar soos China die kapitalisme met ope arms aangegryp het en die Kommunistiese Party nou net die politiek beheer. (Vietnam was voorheen 'n vriend van Rusland, en die hamer en sekelvlag hang op baie plekke, hier is ook baie propagandaborde langs die paaie.) Maar die Vietnamese, lees ek, is 'n nasie wat al die beste van alles uit hulle geskiedenis vat en saamvoeg tot iets wat vir hulle werk. Die politieke beheer hou die land aan die werk en die infrastruktuur besonder goed - die regering bou en breek soos in China om te moderniseer, dus is die paaie goed, die strate skoon, die sypaadjies nie vol gate nie, 'n algehele kontras tot Kambodja se chaos en vuilheid. Jy raak later maar gewoond aan die vuilheid. Maar as jy in Saigon aankom is dit regtig verfrissend, skoon en netjies, met die gewone chaos van Asiatiese paaie (duisende motorfietse en fietse) wel daar. O, wat ek eintlik wil se^, die kommuniste hier het tog 'n goeie job daarvan gemaak om die plek te ontwikkel, as mens dit vergelyk met byvoorbeeld Kambodja (wat nou maar eers die laaste vyftien jaar 'vry' is, maar dit lyk nie of Kambodja, wat infrastruktuur betref, te veel vooruit gaan nie, terwyl Vietnam met 'n sterk, sentrale regering naas China een van die vinnigs groeiende lande ter we^reld is.)

Die Notre Dame-katedraal is in 1877 gebou. Vietnam se bevolking is sowat 10% Katoliek, oor die Franse invloed. Die katedraal is op 'n eiland tussen 'n klomp BAIE besige strate, jy kyk nogal op na die kruis voordat jy die verkeer aandurf.

Die museum van Ho Chi Minh-stad (Saigon se 'nuwe' naam, maar almal praat van Saigon.) Dit was die Franse goewerneur se paleis.

Binne is 'n wonderlike kontras. Anti-imperialistiese (lees: anti-Amerikaanse) propaganda en kommunistiese slagspreuke, uitgestal in die mooiste, mooiste koloniale paleis. Hierdie is Ho Chi Minh, die byskrif by die beeld lees: 'Ho Chi Minh verlaat Saigon om die ware beginsels van die revolusie in die platteland te gaan leer.'

Buitekant staan vliegtuie, karre, 'n tenk en 'n helikopter wat in die Vietnam-oorlog gebruik is. Maar Coke is ook hier.

Sulke lang gange met hortjies wat oopmaak op die tropiese tuine. Ek kan sien dat die Franse goewerneur heerlik hier gebly het.

Hierdie is die Hotel Metropole. Cafe, monsieur?

Om oor die straat te stap, is moeilikerig. Die Lonely Planet skryf jy moet net loop, moenie stop nie. Al is daar verkeer. Want hulle verwag jou en ontwyk jou, as jy stop, verwar jy hulle. Vandag, tot dusver, het Lonely Planet se raad (snaaks genoeg!) gewerk.

Saigon

2006-09-13T20:14:00.000+07:00

Ek gaan more 'n draai maak in Saigon, Vietnam. My huissoektog gaan nie goed nie, ek het tog 'n plek gekry waarvan ek hou, maar die verhuurder se voorwaardes is eenvoudig waansinnig.
Asie" is darem soms vreeslik prettig, ek het my visum vir Vietnam binne enkele ure gekry, geen vorm ingevul nie, my paspoort bloot vir die bell boy by die hotel gegee.
Die ander opsie, as jy in Pretoria, SA aansoek doen, is as volg (ek het ook net R300 betaal in vergelyking met Pta se R500):
The requirements for a single entry 30 day visa
from Vietnam (Socialist Republic of)
(Last updated by Carol on 01/07/2004.)
The visa will be obtained in 7 working days.
The passport must be valid for 6 months.
Two photographs must be supplied.
The visa costs R 500.00.
A copy of the original air ticket must accompany
the application.
One application form must be submitted.
An itinerary must accompany the application.
A business letter must accompany the
application.
A letter of invitation must accompany the
application.
Ek verstaan nie waarom dit so moeilik is om visums te kry in SA nie as dit eintlik regtig maklik is op ander plekke.

Vraag en antwoord

2006-09-12T13:59:00.000+07:00

Ek het 'n vraag vir al die goeie lesers van rondloper. Help asseblief! Skielik word ek geteister deur vrae oor my gastehuisplan in Kambodja. Volgens 'n Amerikaanse vriend in Korea is dit omdat ek die laaste tyd so vry was, meestal gereis het en dalk nie lus het om te settle nie. Ek dink hy is dalk reg. Dit voel heel anders om nou hier rond te gaan en 'besigheid' te praat - skielik is ek bang vir vasgekeerd voel. Ek moet minstens 'n driejaarkontrak teken as ek voortgaan met die planne. Maar ek weet nou nie meer nie. Ek kan nie aanhou rondloop nie (of kan ek, en bloot aanhou vryskut werk as joernalis, daar is baie werk?) Of moet ek myself vasteken hier? Ek het twee opsies, een duurder huis ($700 per maand), goeie ligging, maar Sihanoukville-toeriste (sover) kom ek agter wil bly vir $4 'n aand of minder! Dus is die duurder opsie dalk nie noodwendig die beste nie. Dan 'n klein woonstelblok (letterlik) in die middedorp, grondvloer is oopplan (restaurant?), eerste vloer is drie slaapkamers, woonarea, kombuis en balkon, tweede vloer is groot oopplan-area, met reeds ingeboude kroeg (was voorheen 'n kroeg), en dan is daar ook 'n dakgedeelte vir 'n chillout lounge. Dit alles kos $300 per maand. Het wel bietjie werk nodig. Is in die middedorp, maar die een ongemaklikheid daar is die oorvloed van 'Hostess Bars' in die area. En seedy Fransmanne wat uit die Foreign Legion geskop is wat nou daar uithang. I am confused! Ek dink ek gaan myself nog 'n bietjie tyd gee. Ek gaan dalk oor twee dae Vietnam toe.

Openbare vervoer

2006-09-11T13:51:00.000+07:00

Hierdie motorfiets-sleepwa het by my verby gery op die pad tussen Kampot en Sihanoukville, terwyl my gedeelde taxi gaan staan het.

Ossewa. In Kambodja. Hulle gebruik soms ook waterbuffels, wat hulle elke nou en dan natgooi. Die waterbuffels moet seker nat gehou word.

Groot dele van die land is onder water, dus is hier ook baie bootjies. Jy kan allerhande plekke net per boot besoek.

Melancholies

2006-09-11T13:34:00.000+07:00

Ek was die naweek in Kep, Kambodja se eerste kusoord en in die Franse tyd soos 'n klein Riviera hier in Indochina. Maar die Khmer Rouge het die plek sommer gou oorgeneem, lank voor hulle aan bewind gekom het, en ook daarna vir 'n tyd beset. Dis nou die mees melancholiese plekkie. Oral is tekens van die glorie van voorheen (mense soos Catherine Deneuve het hier uitgehang). Nou is alles vervalle, hier en daar probeer mense nuwe gastehuise skep, maar die atmosfeer bly maar erg melancholies. Dis een van die strande.

En hierdie hartseer vrou staar oor die see uit op soek na haar man. Ek het nou haar naam vergeet, maar daar is 'n legende rondom haar. Haar man het op see vermis geraak, en party mense se^ sy het toe heeltemal weggekwyn en net elke dag na die see gestaar, soos hier - ander se^ sy het 'n klein vloot op die been gekry en haar man gana soek (volgens hierdie weergawe is haar man vermoor op die oop see). Sy is toe self op see dood. Nou staan die eensame beeld nog hier in Kep.

Die dorpie is wyd uitgestrek, en oral is vervalle Franse villas, soos hierdie een. Daar is selfs 'n groot hotel wat nou net 'n geraamte is. Party van die villas staan sommer net so leeg, in party woon nou plakkers.

Jy is nie alleen nie

2006-09-10T16:17:00.000+07:00

Ek sien vandag op Rapport se website 'adv. Barbie' verjaar op dieselfde dag as ek. Sy het gister 'in 'n byna papierdun pers Weskoppies-rokkie, wasbleek, sonder enige grimering en met haar hare in 'n poniestert' haar 29ste verjaardag agter tralies in die Weskoppies-hospitaal vir psigiatriese pasiënte in Pretoria deurgebring. Lees die berig hier as jy wil. Ek het myne by die Rusty Keyhole in Kampot deurgebring met regte, egte Franse sjampanje, wat die restauranteienaar spesiaal vir my gaan koop het.
Op 'n ander punt: die selfoonnetwerk in Kambodja is maar swak, ek weet van heelparty mense wat die afgelope week of wat SMS'e vir my gestuur het wat ek nie ontvang het nie. As ek dus nie reageer op SMS'e nie, is dit omdat ek hulle nie kry nie.

Nuwe venue

2006-09-08T16:54:00.000+07:00

Hierdie is 'n belangrike aankondiging vir diegene wat nou reeds in Phnom Penh is onderweg na my verjaarsdagparty. Die venue het verander. Ek gaan nou tuis in die Bokor Mountain Lodge (hierbo), in Kampot, die mees outentieke Franse-koloniale dorpie in Kambodja. Dis twee uur van Sihanoukville, deels met 'n grondpad/modderrige spoor.

Hier is kafee's soos hierdie op die rivieroewer waar jy baguettes en cafe au lait vir brekfis kan bestel.

Terwyl jy tonele soos hierdie oorkant die pad sien . . .

. . . of soos hierdie, in die pad.

En mense wat hou van vensters, of deure, sal nie teleurgestel wees nie.

Blaas die toeter

2006-09-07T13:53:00.000+07:00

Ek skryf hierdie met hande wat ligweg bewe: ek het vandag besluit om self 'n scooter te huur, eerder as die scooter-taxi's te gebruik, en, wel, dis vir my 'n heel nuwe ondervinding. Eerstens omdat ek nog nooit self 'n scooter gery het nie, maar dis gelukkig so maklik soos fietsry, maar tweedens omdat ek bietjie benoud was oor die Kambodjaanse bestuursgewoontes. Maar, when in Rome . . . Ek het nog nie eens weggetrek nie, toe begin ek al die toeter te gebruik, soos die locals, en dis verbasend watse gevoel van veiligheid dit gee. Hulle gebruik aanhoudend hul toeters, as waarskuwing dat jy op pad is, en dit werk ongetwyfeld. Dis eintlik die enigste padreel. En hou regs, meestal, soms, as jy lus is. Hier is nog 'n paar Sihanoukville-prentjies.

Iemand se drankie wat agtergebly het op die strand.

Sononder op Occheuteal-strand, dis die langste en gewildste strand hier. Daar is oral strandrestaurante, reg op die sand. Die Kambodjane swem met al hulle klere aan, hulle is 'n skamerige nasie.

Toonbeeld van weelde . . . My vreeslike kitsch hotelkamer. Om nie te praat van die olifantbeelde by die voordeur nie.

Huissoek

2006-09-06T17:10:00.000+07:00

Ek het vandag verskeie huise bekyk in Sihanoukville. Ek het besluit dis die regte plek vir my gastehuis, dis 'n heerlike strandoord en besig om vinnig naam te maak. (Laat my baie aan Goa dink.) Daar is sover twee goeie kandidaathuise, hierdie een, in 'n stil straat, met ses slaapkamers, vir 'n allemintige $600 per maand. (Ek gebruik in al my Kambodja-posts die VSA-dollar as geldeenheid, dis wat hulle hier gebruik vir byna alle transaksies). Maar hierdie huis is nie in die beste posisie nie. Uitstekende sekerheid en die huis is perfek, byna geen werk nie. Pragtige tuin ook, en wonderlike balkon reg rondom.

Dis die straat voor die huis. Lekker stil, maar net minute per motorfiets na die hoofstraat of die strand. Die motorfiets op die foto staan voor die huis se hek. Die tweede huis het ek nie afgeneem nie, sal more. Dis $100 meer, maar het elf kamers en 'n FANTASTIESE see-uitsig van die dak af, wat 'n heerlike restaurant/lounge bar sal wees. MAAR daar is vreeslik baie werk wat aan die huis gedoen moet word. En dus baie geld wat ingestoot moet word in 'n huureiendom wat ek nie weer sal terugkry nie. Ek het darem baie tyd om te dink.

En dit is hoe die strand in die paradys lyk. Sihanoukville het vyf strande, almal kyk uit op onbewoonde eilande in die baai, en die seewater is louwarm. Hier kom die somer, sing Kerkorrel.

Vir die rekord

2006-09-06T16:48:00.000+07:00

Ek maak nou soos Die Burger en vir vandag is ek 'n koerant van rekord. Want ek is nou in die tropiese paradys Sihanoukville en hierdie foto's voel nou heeltemal uit plek, maar ek plaas dit vir die rekord. Ek was nou die dag by die Tuol Sleng-museum in Phnom Penh, dis die Khmer Rouge se S21-tronk gewees, mense is lank daar aangehou en gemartel voordat hulle voor die voet uitgemoor is. Van so 1976 tot 1979 toe Vietnam Kambodja bevry het. Nou is die plek 'n baie eerie museum, dis ontsettend terneerdrukkend om daar rond te loop. Laaskeer was ek by die Killing Fields self (een van hulle) net buite Phnom Penh, maar ek het toe nie krag gehad vir Tuol Sleng nie. Hierdie keer sal ek ook net Tuol Sleng besoek, dis te erg eintlik. Die plek is regtig erg, daar is foto's wat die Khmer Rouge self geneem het van al die slagoffers (ook baie kinders, kyk hier onder) en vreeslik baie dokumente wat alles vertel wat daar gebeur het. Maar veral die foto's is woes, die mense se gesigsuitdrukkings in die aangesig van die dood. Party glimlag selfs, baie staar net voor hulle uit, maar die meeste lyk angsbevange. Want jy't geweet wat op jou wag in daai plek. Die tweedelaaste foto wys 'n 'galg' waar hulle mense onderstebo opgehang het, en hul koppe in emmers water gedompel het.

Legende

2006-09-05T10:57:00.000+07:00

Ek blaai vanoggend so vinnig deur die SA koerante op die web en sien daar is byna geen nuus oor die dood van die legendariese Steve Irwin nie. Terwyl CNN op TV byna aanhoudend daaroor berig en dit die mees gelese artikel op CNN se webwerf is. Irwin was nogal 'n legende en ek dink bekend in omtrent elke huis ter wereld, hier in Kambodja kyk mense twee keer na die TV-skerms as sy gesig wys. Ek wonder hoekom die SA media dit grotendeels ignoreer.

Uitnodiging

2006-09-05T10:31:00.000+07:00

Alle vriende van rondloper word hartlik uitgenooi na sy 35ste verjaardagviering te Sihanoukville, Kambodja, op 9 September (komende Saterdag). Dit sal 'n beach party wees. As julle more op die vliegtuig klim, van enige plek in die wereld, na Bangkok of Kuala Lumpur, dan is Phnom Penh net 'n uur verder van Bangkok of twee uur van KL, met goedkoop Air Asia, en Sihanoukville net drie uur verder per bus met Mekong Express, lekker cheap en vinnig. Verbly in Sihanoukville is beskikbaar in die Golden Sand Hotel (driester), waar ek bly, vir net $20 (R140) per aand (kamer met plek vir twee, as jy deel is dit dus net $10 elk), en dis oomblikke van die strand af. Of jy kan in vreeslik eenvoudige strandhutte bly vir so $4 (R28) per aand, met basiese geriewe. Ek kan nie aan 'n beter en goedkoper idee dink as om die naweek deur te bring nie. Ons kry mekaar by die Corner Bar op Victory Hill, vanwaar ons sononder oor die Golf van Thailand sal geniet, en dan sal ons afskuif na een van die kuierplekkies op die strand.

Terug

2006-09-03T17:39:00.000+07:00

Ek het vanoggend vroeg in Phnom Penh aangekom. Hoe anders as die vorige keer. Toe was dit uit die lug 'n klein stadjie in 'n groot, droe" vlakte, hierdie keer is dit 'n klein stadjie wat net so hier en daar uitsteek in 'n massiewe dam water. Dis nou moesontyd en uit die vliegtuig was daar net water so ver soos die oog kan sien, paaie toe onder die water en selfs hier en daar huise wat lyk asof hulle op hul eie klein eilandjie staan. Nogal baie indrukwekkend uit die lug uit. Dit lyk asof die stad skielik verswelg is deur al die water, maar natuurlik is dit nie so nie. Ek dink dit lyk elke jaar so. En die stad is vir my selfs meer eksoties as voorheen, ek staan weer verstom deur die vermenging van die Franse/Khmer- en selfs bietjie Indiese invloede. Daar is ook hierdie keer veel meer reuke van blomme, iets wat ruik soos frangipani's, in die lug. Die luggie is effe koeler as laas, daar is so 'n ligte briesie wat waai en dit is net te wonderlik, luilekker tropiese atmosfeer. En die derduisende motorfietsryers sonder helmets jaag steeds in elke denkbare rigting sonder om te stop vir enigiemand. Maar dit werk, lyk nie of enigiemand mekaar raakry nie. Ek het vanmiddag langs die Mekongrivier, in 'n Franse restaurantjie, iets gaan eet - cafe latte en 'n baguette. Vanaand sal ek weer Khmer kos probeer. O, ja, dis net so goedkoop soos ek onthou, 'n pakkie sigarette was 50c (Amerikaans), dus omtrent R3,50? Sekerlik vervals, soos baie dinge hier. Maar die ongekende optimisme en lewenslus hier is wat ek onthou, en is hoekom ek graag wou terugkom.

Dit raak net beter

2006-09-01T20:05:00.000+07:00

Die uitsig van my hotelkamer oor die Chao Praya-rivier. Dis moesontyd en die donker wolke voorspel swaar reen.

En as jy reguit af kyk, kan jy na al die mense in die swembad kyk. Daai terrassie wat so oor die rivier hang, is 'n plekkie waar mens kan gaan eet. Bo links is die hotel se riviertaxi op pad om vas te meer.

Ek voel, aangesien ek nou al op vorige geleenthede so tekere gegaan het oor Bangkok, moet ek nou maar vir die tweede keer erken ek was dalk verkeerd. My eerste twee besoeke hier het die plek my glad nie aangestaan nie. Wat my mening meestal beinvloed het, was die aaklige, bruin besoedelingswolk wat soms oor die stad hang, op straat voel jy of jy nie kan asemhaal nie. Maar met al my besoeke daarna (vandag is die derde of vierde keer) was (is) die lug skoon, helderblou. En die stad voel net vir my al nicer. Ek is te moeg om vandag rond te loop en foto's te neem, maar hierbo is twee sommer so van my hotelkamer se venster. Ek het hierdie keer op 'n ander hotel besluit (ek bly deesdae altyd eerder in hotelle of gastehuise nadat ek uitgevind het as jy op die internet bespreek, kos dit dikwels regtig nie veel meer as 'n enkelkamer in die sogenaamde backpackers-plekke waar jy net die mees basiese geriewe kry nie.) Hierdie keer is my hotel langs die Chao Praya-rivier, wat deur Bangkok kronkel en wemel van lewe. Ek het 'n uitsig op die rivier. Wonderlik. En as ek iewers heen wil gaan, gebruik ek die hotel se gratis riviertaxi om na die Skytrain se stasie of ander plekke te vaar. Ja, Bangkok, is eintlik lekker. Nie mooi nie, maar baie interessant en vol lewe. Dit wys jou net, mens kan nie eintlik 'n mening oor 'n plek vorm as jy net een keer daar was en die eerste keer dalk nie so lekker was nie. Ek bly twee dae hier oor voordat ek Kambodja toe gaan.

Dis my geheim

2006-09-01T18:24:00.000+07:00

Ek wil drie geheimpies met my lesers deel oor Dubai-lughawe. Ek vlieg graag met Emirates omdat hulle baie billik is, en na my mening die naasbeste lugdiens van die (sowat) 29 lugdienste is waarmee ek al gevlieg het (ja, ek spog!) en natuurlik omdat ek Voyager-myle op hulle verdien. Dus aanvaar ek soms die effense ongerief om in Dubai oor te stap na 'n volgende vliegtuig en soms daar te wag vir 'n paar uur. Maar hier is die geheimpies, eksklusief hier op rondloper! Diegene wat al op Dubai se lughawe was, weet die plek het nou al te klein geword vir al die mense, want Emirates het so baie vlugte en hulle is amper altyd propvol, dus is daar letterlik duisende mense op een slag wat meeding om 'n plekkie in die son. Daar is glad nie meer genoeg toilette nie. Behalwe by die lughawehotel se koffiekroeg, en byna niemand weet blykbaar daarvan nie. Die pryse is dieselfde as by enige van die ander eetplekke op die lughawe, MAAR jy het plek vir jouself. Daar is byna nooit mense nie, en jy kan selfs heerlik op die rusbanke slaap totdat die son opkom, maar as die son opkom maak hulle jou wakker. En jy kry vyfsterdiens in teenstelling met die gewone restaurante onder waar die gepeupel uithang, waar jy net 'n nommer is. Jy hoef nie in die hotel te bly nie, maar jy kan die koffiekroeg/lounge gebruik. Dis binne in die lughawe, waar al die oorstap-passasiers so 'n entjie ondertoe vuisslaan om 'n sitplekkie. Alles nog in die 'transit'-gebied. Volg net die bordjies na die 'Transit Hotel'. Dis waar ek vanoggend gerus het na my vlug van Johannesburg. Dit was geheim nommer een. Geheim nommer twee hou daarmee verband. In dieselfde omgewing, daar by die hotel, is 'n sauna en storte, en 'n GROOT borrelbad, ook oop vir enigiemand. Jy betaal wel 'n paar dollar, maar dis baie min. My oorstaptyd was hierdie keer te kort om dit te gebruik, maar die terugtog kom nog. Net reg om jouself te lawe tussen vlugte. En geheim nommer drie, as jy langer as drie uur moet wag vir jou volgende vlug (op Emirates) kry jy 'n gratis ete (groot en lekker) in die Emirates Transit Lounge. Wys net jou boarding pass. Dankie, Andre, volgende keer gaan ons oorsese reise met Emirates soveel lekkerder wees! Wel, die van ons wat soos gewone aardlinge in ekonomiese klas vlieg en nie deur ons maatskappye geborg word nie. Maar selfs vir ons is daar vreugdes!

Hou my warm

2006-08-31T03:09:00.000+07:00

Dit is koud in Roodepoort. Binne dae is ek hier, waar dit warm is.

Waarheen gaan jy

2006-08-31T02:57:00.000+07:00

Dit was 'n hartseer twee weke, en eintlik twee maande, vir die Gouws-gesin. My tannie is sowat twee maande gelede dood, my niggie (haar kind) verlede week en my ouma vandeesweek. Daar is mos mense wat se^ sulke dinge gebeur in driee". My ouma was baie oud en het 'n lang lewe gehad, dis maar die verloop van die lewe. My niggie was so oud soos ek, en dis nogal 'n skok. Mens besef maar net weer dat jy nie tyd het om te mors op hierdie aarde nie, die lewe is kosbaar en daar is nie tyd vir nonsens nie. Ek het baie gedink na my niggie se dood, mens wonder mos maar altyd wat doen jy nou eintlik hier en waarheen gaan jy. Sal jy ooit weet as jy veronderstel is om nou tevrede te wees, of is daar maar altyd iets meer en beter wat jy soek?

Waar kom jy vandaan

2006-08-31T02:02:00.000+07:00

Wie was jou oupa?

Ek is soms graag 'n toeris in my eie land. Ek was nou 'n paar dae in Roodepoort, vlieg more na Bangkok. Toe ek nog 'n klein seuntjie was en met verwondering in my oe" gedroom het oor al die verre lande, het baie mense my erg kwaad gevra of ek darem my eie land ken. Ek is baie trots om te erken dat ek waarskynlik al meer van my eie land gesien het as die meeste mense. Die noorde van KwaZulu-Natal is omtrent die grootste uitsondering, verder was ek al van Thohoyandou tot Hermanus, Kokstad tot Springbok, Matatiele tot Uniondale en so gaan dit aan.
Vandag het ek Maropeng, die nuwe besoekersentrum in die Wieg van die Mensdom, net buite Krugersdorp, besoek. Dit is ook die deel van die land waar ek grootgeword het.
En wat 'n wonderlike ervaring was dit nie. Daar is geen plek op hierdie hele aardbol wat kan spog dat hy die beginpunt van die mens soos ons hom vandag ken, was nie, behalwe hier net buite my grootword-plek. Omtrent 200 000 jaar gelede het die eerste moderne mense hier gewoon. Dis die plek met die meeste geskiedenis ter wereld.
Ek was al baie in die Sterkfontein-grot (Mev. Ples se huis), en ook by Kromdraai se Wondergrot, waar nog fossielvondste gedoen is. Maar Maropeng is nuut. Die Wieg van die Mensdom is 'n Werelderfenisgebied (in my skooldae was daai die omgewing waar die maplotters gewoon en mekaar gedonner het as hulle lus kry, maar dinge verander . . . )
Nou (die maplotters is nog daar, so effentjies) is daar 'n skouspelagtige nuwe besoekersentrum op die rand van die Magaliesberge. Toe ons vandag soontoe ry, was die gras vaal en die lug vol stof, tipiese Hoeveldse wintersdag, maar allerhande ou herinneringe het vir my teruggekom. Daar is darem net iets spesiaal aan hierdie soort dae. Ek het sommer weer gedink aan al die drome van 'n jong seun, wat daarvan waar geword het en waaroor ek steeds droom, dit alles danksy die skerp wintersluggie en die stof wat oor die berge gewaai het.
En toe kom ons by Maropeng, wat 'n meesterstuk van SA argitektuur is. Van ver lyk dit soos niks, 'n vaal grasheuwel, maar die sentrum is so gebou dat dit inpas by die omgewing, grotendeels ondergronds en wat bogronds is, pas goed in. Binne is wonderlike uitstallings oor evolusie, wat jy bereik deur met 'n bootjie op 'n ondergrondse meer te vaar, met donderweer wat klap en bliksemstrale wat blits. Alles baie opwindend.
My ma was bietjie ontsteld oor die hele evolusie-ding, want waar pas die Bybel dan in, wou sy weet. Ek het nie lus gehad vir 'n lang, filosofiese gesprek daaroor nie, maar my verduideliking was bloot dat selfs die Big Bang gesien kan word as die skepping, en vandaar het ons as mense ontwikkel. Soos toe die Hemel en Aarde geskei is, vra sy toe. Netso! Sy was tevrede daarmee.

Die Maropeng-sentrum se ingang. Dit lyk asof dit net 'n grasheuwel is. Die mure van die koepel daar voor is inderdaad met gras beplant.

En wanneer jy al die ondergrondse tonnels bekyk het, dan kom jy hier uit, met 'n uitsig van die Magaliesberge voor jou en hierdie baie aardse gebou agter jou. Dis mos slim, relevante bouwerk hierdie, g'n Toskaanse twak nie.

Die agterkant van die sentrum kyk uit oor die Magaliesberge, daar is 'n restaurant, skemerkelk-kroeg en ontspannings-'lounge' waarvandaan jy oor die berge kan tuur. En die hele gebou smelt saam met die omgewing.

Dis daar

2006-08-29T21:06:00.000+07:00

Sommige mense het my al gevra presies waar is Kambodja dan. Hier is 'n kaart om hulle te help.

Al die veld is vrolik

2006-08-27T23:33:00.000+07:00

Ek het hierdie naweek die pad gevat na die Overberg, so 'n vinnige draai gaan maak op Teslaarsdal en toe Hermanus aangedoen. Soos jy oor Sir Lowry's ry, ontvou die een ongelooflike toneel na die ander, daar is plate en plate blomme, soos hierdie, en die koringlande is lowergroen.

Ek was meer as agt maande laas op my plasie by Teslaarsdal, en wou net graag weer gaan kyk hoe lyk dit en op my stukkie Afrika-grond staan voordat ek weer hierdie week Kambodja toe gaan. Daar was al voorheen prentjies hier van my grond, hier is dit uit 'n ander hoek, vanaf die grensdraad.

En so lyk die huise in Teslaarsdal self. My grond is net langs die dorp.

So een en 'n half kilometer aan die ander kant van die dorp, op die Hermanus-pad, het ek hierdie foto geneem. Teslaarsdal is 34 km van Caledon en 39 km van Hermanus. Jy kan net met 'n grondpad soontoe ry, en ek het byna vasgeval hierdie naweek, maar gelukkige het my (antieke) BMW 4x4-funksies en ek het gemaklik elke slaggat en donga gekruis. Toe ek op Hermanus aankom, toe lyk dit wraggies of ek ge4x4 het.

Sonja, Sonja!

2006-08-25T04:04:00.000+07:00

Ek het gisteraand na hierdie show gaan kyk. En, ja, ek is nie eens skaam om dit hier te erken nie. Ek het bietjie gesukkel om iemand te kry om saam met my te gaan, mense wat hulle neuse optrek vir wat ek reken een van Suid-Afrika se beste sangers is. Daar is geen twyfel nie, in die meeste mense se koppe is Sonja Heroldt nog dieselfde vrou wat met 'n piepstemmetjie twintig jaar gelede allerhande ligsinnige liedjies gesing het (daar is 'n tyd en plek vir alles). Hiedie show van haar is net eenvoudig fantasties. Sy het die laaste jare regtig gegroei as kunstenaar (in 'n rigting wat ek van hou) en ek dink sy is wonderlik. Baie van haar ou songs is steeds fantasties, sy het dit net effens verwerk en gemoderniseer (dis op haar CD Reconstructing Alice). Sy het een deel van gisteraand se show in 'n Che Guevara-T-hemp gedoen. Wonderlik! Dis regtig 'n goeie vertoning, Sarah Theron is ook daarin, en dis baie modern en hip. Dis nie die Sonja wat die meeste mense ken nie, maar dit is wel die liedjies wat jou terugvoer na 'n ander tyd. Ek dink sy is soos Abba, tydloos.

Lees dit ook

2006-08-23T17:36:00.000+07:00

Lammervanger het by my onderste post navraag gedoen oor die woord wat hy geskep het toe ek gehelp het om Wegbreek te sub. Die uitgawe is vandeesmaand op die rakke (dis die September-uitgawe en lyk soos op die prentjie hierbo), en as jy daardeur lees, sal jy onder meer afkom op 'n foto van die uwe waar ek in Nieu-Seeland op 'n gletser sit, my 'medewerkers'-foto vir die maand, en dan is daar 'n artikel waar die woord 'skoffelsnoetakkedis' verskyn - dis lammervanger doer in Australie se skepping gewees! Augustus was vir my 'n besige vryskutmaand, dinge raak nou stiller, en oor 'n week is ek op pad terug na die wonderlike Verre Ooste waar ek my hart verloor het.

Lees dit

2006-08-22T00:49:00.000+07:00

Hierdie is nie net 'n baie insiggewende tydskrif wat onlangs 'n verjongingskuur ondergaan het en nou baie lekker lees nie, maar hierdie maand (September-uitgawe) verskyn daar ook 'n kort artikel deur die uwe oor Kandy in Sri Lanka. Koop die tydskrif en lees my artikel dus!

Die donker land wink

2006-08-19T02:04:00.000+07:00

Ek lees op die oomblik hierdie boek. Die skrywer vertel onder meer daarin hoedat die Khmer Rouge in Kambodja sommige mense vermoor het deur hul koppe met 'coconut crushers' stukkend te druk totdat dit oopbars. Dink jou dit in . . .
Ek vertrek oor twee weke weer soontoe, dus hou gerus hier dop vir al die jongste nuus oor rondloper se gastehuisplanne in Kambodja. Dan gaan ek ook 'n draai in Borneo maak om te ontspan na die intensiewe soektog na 'n gepaste huis in Kambodja.

Nuwe buurman

2006-08-19T01:43:00.000+07:00

In my laaste jaar of wat by Die Burger was ek die sterreman, ek het allerhande artikels geskryf oor die sterre en planete, meer uit belangstelling as noodwendig indiepte kennis, maar ek het dit vreeslik geniet en gevolglik ook 'n gesonde, voortdurende belangstelling in die diepste buitenste ruimte opgetel. (My belangstelling het natuurlik voortgevloei uit my gastehuis op Sutherland, ek moes darem my gaste beindruk met my kennis, en my teleskoop soortvan kon gebruik). In elk geval, nou lees ek die laaste paar dae in die koerante daar gaan moontlik binnekort twaalf planete (in ons Melkweg) wees, en nie net nege nie.
Fassinerend, dink ek. Ek wonder hoe die skrywers van die sterre voorspel dit gaan hanteer?
Ek het destyds by die koerant baie graag Nasa se webwerf hier en die Europese Suidelike Sterrewag se webwerf hier besoek, veral die ESO se webwerf is wonderlik, daar is pragtige foto's van dinge wat mens nie aldag sien nie. Ek sien ook vandeesweek SALT (die Sutherlandse groot teleskoop) het 'n groot ontdekking gemaak, maar daar is geen foto's op SALT se webwerf nie! Vir wat nie? SALT is veronderstel om netso goed of beter as die ESO se groot teleskoop te wees, dan moet hulle dit mos wys op hul webwerf dink ek.
Vir diegene wat kinders op skool het en nie die koerantartikels naby het nie, hier is die twaalf nuwe planete, van naaste aan die son tot verste: Mercurius, Venus, Aarde, Mars, Ceres, Jupiter, Saturnus, Uranus, Neptunus, Pluto, Charon en 2003 UB313 (miskien sal hulle die laaste een Xena noem). Dis nog nie amptelik nie, teen 26 Augustus sal ons weet of ons nou nog 'n buurman gekry het, net anderkant Mars (dit sal Ceres wees). Die ander nuwe planete is te ver weg om te dink aan kuiertjies daar.

Sterre en so

2006-08-14T22:51:00.000+07:00

My kop werk oortyd na aanleiding van 'n baie interessante gesprek op slapendehonde oor Buck Rogers en toe lei dit tot 'n vraag oor die TV-program Interster. Ek onthou die program baie goed, dit was marionette (baie gevorderd) wat altyd met hul ruimtetuie uit die Kaap vertrek het om mense te gaan red. Maar toe raak ek verward, want daar was ook Redding Internasionaal, wat die Afrikaanse weergawe van die Britse Thunderbirds was. Die twee (Interster en Redding Internasionaal) is amper presies dieselfde wat karakters aanbetref. Ek het onlangs, ek dink dalk in Thailand, 'n paar episodes van Thunderbirds gesien en dit het my heeltemal verwar, want ek het onthou dit speel af in die Kaap, maar Thunderbirds doen nie, en ek het nie dadelik besef dit was twee verskillende programme nie. Nou na aanleiding van die bogenoemde blog-gesprek het ek besluit hierop wil ek 'n antwoord he^.
Na deeglik navorsing, het ek tot die volgende gevolgtrekking gekom. Ek dink Interster was 'n skaamtelose nabootsing van Thunderbirds, omdat die SAUK in daai jare (laat 70's en vroee 80's) skielik nie meer Britse reekse kon bekom oor die Equity-verbod nie.
Dit werk so: Thunderbirds is in die 1960's begin, die SAUK het eers in 1976 met TV-uitsendings begin.
In 1972 en veral in 1976 het die Equity-verbod stewig ingeskop. Nou ek raai dat die SAUK dalk een of twee reekse van Thunderbirds gekoop het voor die verbod, dit vertaal en gewys het, en dit was uiters gewild. Toe raak dinge moeilik, en wat moet hulle nou se^ vir al die Afrikaanse kindertjies wat graag wil sien wat die manne van Redding Internasionaal doen?
Maak 'n nabootsing! En Interster is in die laat 1970's en vroee 1980's uitgesaai, die datums maak vir my sin. Volgens sommige webwerwe 1983.
Ek dink dus dit is wat gebeur het, en toe raak Interster sommer baie gewild, ek is een wat regtig graag daarna gekyk het. En as jongeling was Interster en Redding Internasionaal vir my dieselfde program - die base by die SAUK het daarin geslaag om vir die wit jeug te wys daar is niks fout in die we^reld nie, terwyl Soweto brand en die we^reld al meer sanksies toegepas het, het ons kalm lewens ongestoord voortgegaan. Sommige websites beweer Interster was vol politieke boodskappe, maar ek kan dit nie meer onthou nie.
My inligting kom veral van Wikipedia en allerhande gespreksforums.

Altyd 'n eerste keer

2006-08-14T04:35:00.000+07:00

Ek is besig om geleidelik my nuwe dorp bietjie meer my eie te maak. Ek bly darem nou al meer as 'n maand hier, maar vir iemand wat nooit hier (dis nou op Stellenbosch) geswot het nie (en dus in baie mense se oe" nie volledig mens is nie), en eintlik die plekkie nie baie goed ken nie, is dit nogal 'n heel nuwe (aangename) ondervinding om hier te woon. Al is dit dan bloot tydelik. Ek het die naweek vir die eerste keer in my lewe Jonkershoek toe gegaan, wat 'n prettige uitstappie was dit nie. En toe het die dag, soos seker maar tradisie is, ontaard in 'n Akker-kuier en later het ons selfs Stones gaan uitprobeer, wat verfrissend anders en merkbaar meer multikultureel is. My kuiermaat onthou heelwat minder van die aand as ek.

Sou jy?

2006-08-11T05:09:00.000+07:00

Ek het mos al voorheen beweer die Japannese is bietjie anders as die res van die mensdom. (Maar natuurlik hou ek, om daai rede, baie van al die Japannese wat ek al ontmoet het, dis soos 'n vars briesie in 'n wereld van konformiteit.) Nou wat presies probeer hierdie advertensie se^? Wens ek het die taal gepraat, want ek sou baie graag wou weet wat nou eintlik die boodskap is. Sou jy, as jy hierdie advertensie volgende week in die Huisgenoot sien, die selfoon koop?

Waarheen gaan die mensdom?

2006-08-08T22:20:00.000+07:00

Aangesien ek nie 'n TV het nie, en soms my koerante bietjie laat lees (ek het eers vandag die Sondagkoerante gelees), tref dinge my soms 'n paar dae laat. Maar hierdie massa-hondemoorde wat nou in China aangaan is net te verskriklik vir woorde. Blykbaar gryp hulle sommer jou hond van jou af as jy gaan loop met hulle. En slaan die hond dan net daar voor jou dood. Dit het verlede week in een stad gebeur (dis nou glo om hondsdolheid te bekamp), 50 000 honde is doodgemaak, en nou gebeur dit in nog 'n ander stad ook. Wat kan 'n mens se^ oor sulke dinge? Hondsdolheid maak mense dood, ja, maar daar is ander maniere om die probleem op te los, soos ent die honde in daarteen.
Hier's iets wat CNN berig, oor die eerste slagting, die volledige artikel is hier.
SHANGHAI, China (AP) - A county in southwestern China has killed as many as 50,000 dogs in a government-ordered campaign following the deaths of three local people from rabies, official media reported on Tuesday.
The five-day massacre in Yunnan province's Mouding county spared only military guard dogs and police canine units, the Shanghai Daily reported, citing local media.
Dogs being walked were taken from their owners and beaten to death on the spot, it said. Other killing teams entered villages at night creating noise to get dogs barking, then homing in on their prey.
About 360 of the county's 200,000 residents suffered dog bites this year, with three reported deaths, including a 4-year-old girl, the report said.

Vrydagaand

2006-08-06T00:47:00.000+07:00

Ek het hierdie DVD in Phnom Penh gekoop. Daar is 'n DVD-winkel net so naby die Onafhanklikheidsmonument op 'n groot, besige straat, van buite lyk dit baie indrukwekkend en groot, en above board. Maar die DVD's kos almal net $2 een, en vir elke vyf wat jy koop, kry jy een gratis. So dis seker alles fakes. Maar dis iets vir 'n ander post. Interessant genoeg was daar natuurlik DVD's soos The Killing Fields, hierdie een, en ook baie prominent uitgestal was Hotel Rwanda. As jou eie land 'n volkslagting beleef het, voel jy seker 'n mate van belangstelling of selfs aangerokkenheid tot 'n ander plek waar dit ook gebeur het.
In elk geval, gisteraand begin kyk daarna (ja, as ander mense op Vrydae-aande aan die kuier raak, sit ek by die huis en kyk dokumentere programme. Wel, minstens hierdie naweek, ek is in 'n cocooning-bui). So, die video is ongelooflik intens.
Dis 'n klompie oudsoldate van die Khmer Rouge en twee van hul gevangenes wat oorleef het (net omdat hulle gevange geneem is enkele dae voordat Vietnam Phnom Penh bevry het) en die groepie ontmoet by die Tuol Sleng-tronk (nou 'n museum, alles is letterlik netso gelos deur die Vietnamese, as herinnering aan wat gebeur het) en dan herskep die deelnemers wat daar gebeur het. Vir my wat baie vreemd was, is dat nie een van die oud-Khmersoldate ooit erken hulle was verkeerd nie. En die ironie is dat daar letterlik nog tienduisende van hulle vry in Kambodja rondloop. Logies ook, want almal wat nie Khmer Rouge-ondersteuners was nie, is doodgemaak. Tussen 2 en 3 miljoen van hulle. Ek dink net dit moet verskriklik wees vir 'n nasie om te weet die kans is goed dat die mens wat langs jou op die bus ry, waarskynlik 'n massamoordenaar was. Ek weet hulle beplan hofsake vir van die leiers van die Khmer Rouge wat nog oor is, maar of dit ooit gaan gebeur, sal mens maar moet sien. Ek vra myself die vraag, hoe gebeur dit dat mense skielik in diere verander en hul eie broers en susters (letterlik, of selfs ouers) vermoor ter wille van Die Party. Dis wat daar gebeur het.
Ek dink nie mens sal ooit weet wat in die mense se koppe aangegaan het nie, dit interesseer my baie. Toe ek nog op skool was, het ek een keer 'n roman deur PJ Haasbroek, 'Die Jaar Nul' gelees. Dis gebaseer op Kambodja, dit het my vreeslik geruk al was dit bloot 'n storie (gebaseer op die waarheid). Ek het baie jonger Kambodjane ontmoet wat natuurlik eers na die Khmer Rouge se tyd gebore is, hulle praat nie oor wat gebeur het nie. Ek was saam met 'n Kambodjaan by een van die Killing Fields, hy het ons rondgewys, maar toe later tjoepstil geraak en op pad terug niks gepraat nie. Ek dink dan dat iets soos die WVK wat ons hier gehad het, regtig tog nodig was, en baie goed gedoen het. Mens wil minstens bietjie huil en skreeu oor wat verkeerd was, en die ou wat verkeerd gedoen het hoor erken dat hy verkeerd was, en dan gaan jy aan. Maar in Kambodja is daar bloot stilte. En dit fassineer my.

Nog weernuus

2006-08-04T00:53:00.000+07:00

Vir mense wat dalk nog nie die foto's gesien het nie. SA is die afgelope paar dae geteister deur verwoede storms wat kuslangs 'n klomp huise vernietig het en baie oorstromings veroorsaak het, en in die binneland het dit sneeu gebring, selfs 'n bietjie in Johannesburg waar dit laas gesneeu het toe ek in graad twee was (ons is toe almal vroeg huis toe, die stad is heeltemal bedek deur 'n wit sneeukombers, dit was in September, een week voor my verjaardag!). Hierdie foto is van Sutherland, waar die sneeu baie diep is. Dis voor die munisipaliteit se gebou. Die kerksaal steek net-net agter uit, en my gastehuis was (wel, is, hy is nog daar maar nie meer myne nie) net agter die kerk.

Bo-aards

2006-08-01T21:15:00.000+07:00

Hierdie foto's van die eienaardige, pragtige wolke is nou op die web te sien, is dit nie pragtig nie? Dis hier op ons eie planeet al lyk dit so bonatuurlik. Dat so 'n natuurverskynsel eintlik moeilikheid voorspel...
Hier's 'n verduideliking van Reuters waaroor dit gaan:
Extreme weather conditions have produced a rare cloud formation over Australia's Mawson station in Antarctica.
Meteorological officer Renae Baker captured spectacular images of the nacreous clouds, otherwise known as polar stratospheric clouds, late last month.
Reflecting like an airborne mother-of-pearl shell, the cloud colours are produced when fading light at sunset passes through water-ice crystals blown along a strong jet of stratospheric air more than 10 kilometres above the ground.
A weather balloon measured temperatures down to minus 87 degrees when the photographs were taken.
Australian Antarctic Division atmospheric scientist Andrew Klekociuk said the clouds were seldom seen but could have long-ranging effects.
"These clouds are more than just a curiosity," he said.
"They reveal extreme conditions in the atmosphere and promote chemical changes that lead to destruction of vital stratospheric ozone."
Eintlik beteken dit dus dat global warming besig is om al erger te raak. Kyk nou maar na Europa wat so warm is hierdie somer, en hier by ons in SA sneeu dit in Bloemfontein en Johannesburg - die weer, soos altyd, is vol uiterstes.

'n Ander nasie

2006-07-30T23:03:00.000+07:00

Die Japannese is nou maar net anders as enigiemand anders, hulle sien die wereld net heel anders - hierdie is een van die snaaksste videos wat ek in 'n ruk gesien het. Dis hulle idee van Candid Camera. Moenie kyk as jy sensitief is vir toilethumor nie. Maar nie a la Leon Schuster nie, baie snaakser.

Wat is die waarheid?

2006-07-30T05:01:00.000+07:00

Ek is een van daai water-van'n-eend-se-rug-mense. Dinge ontstel my gewoonlik nie, ek is nooit 'n fighter nie, ek (glo) ek verstaan die wereld soos hy is, so dinge pla my nie. Ek stel gesond belang, ja, maar dis dit. Maar vandag het ek my moer behoorlik gestrip vir die klomp malles wat besig is om websites te skep om vir die wereld te vertel hoe sleg Suid-Afrika is. Ek praat van die versekeringsmakelaar Neil Watson, in Kampsbaai nogal (SKATRYK uit Suid-Afrika dus), en nog 'n ander site, www.southafricaiscrap.blogspot.com. Daar was vandag 'n artikel in die Argus oor hierdie twee, en nog een of twee. Dit pla my dat mense wat eintlik erg oningelig is, besig is om die hele wereld, wat maar net so oningelig is, nonsens oor SA te vertel. Ek het op my onlangse reis regtig baie mense ontmoet wie se eerste vraag was of SA dan nie gevaarlik is nie. Interessant genoeg was hulle almal van Europa, Amerika, Kanada, Nieu-Seeland of Australie. Die Asiers self het nie gevra nie, hulle stel nie belang in ander lande se probleme nie, hulle het hul eie, veel erger soms. En ek verstout my om te dink die ander het by Suid-Afrikaners wat in hul lande woon, gehoor hoe gevaarlik dit kastig hier is.
Maar dit is my punt, die wereld is nie 'n volmaakte plek nie, daar is oral probleme, mense wat nou gaan staan en websites skep oor SA wat so die slegste in die wereld is, is bloot oningelig. Daar is nie plek vir sulke denke in hierdie dag en tyd nie. Ek weet ons het voorheen op pienkzuit 'n gesprek hieroor gehad en dit het soms warm geraak. Ek is die eerste een om te erken dat geweldsmisdaad in SA dalk die ergste in die wereld is, wat ons van weet. Ons weet nie wat gebeur in Brasilie, Argentinie, Indie, China - lande op dieselfde vlak van ontwikkeling as ons, met veel meer mense as ons, maar geen stats nie - maar, ja, misdaad is sleg hier. Dis ook sleg op ander plekke. Ons kan nie probeer maak of ons Kanada of Nieu-Seeland is nie. So leef in die werklikheid, dis eintlik al wat ek vra. En probeer op jou klein manier om dinge beter te maak.
In elk geval, die klomp neo-Nazi het my so vies gemaak (nadat ek die Argus-storie gelees en toe soos 'n dwaas na die websites gaan kyk het) dat ek 'n ietwat kwaai brief geskryf het vir albei sites. Ek sal nogal wil sien of hulle dit publiseer. Ek dink ons as Bloggers kan probeer om die southafricaiscrap-site toe te maak deur Blogger se admin-mense te bombardeer met briewe oor die rassistiese aard van die site. Gaan kyk maar, dis eintlik 'n plek vir white supremacists. Ek glo in elke moontlike vorm van vryheid van spraak, maar nie haatspraak nie.
O, nog iets, Neil Watson van crimexpouthafrica het allerhande SMS-peilings op sy site teen R3 per SMS. Ek wonder of hy die geld gebruik om misdaad te bestry.
Hier is die brief wat ek geskryf het (met skuilnaam, ek wil nie my naam op daai site sien nie)
Sir,
I dare you to publish this letter on you website, as I find it very interesting that the only options for comments or votes you leave on your website are for people to agree with you. Vote for Neil to expose crime, vote for Neil to prepare a class action etc. Register as an ordinary South African to expose the truth (your truth?) etc. Were you well trained by the previous white government in SA? Sounds like it.
Maybe some day you guys (and girls) will wake up to the real world. There is no room in this world for utopian visions of safe, white societies (except maybe in some Nazi colony in the Chilean mountains, they exist, check them out, you might like them). There is no safe place anywhere, the world is full of fallible people, everyone has problems. I am a white South African, quite happy here, the opportunities are endless.
There are places with worse crime (there are more house break ins in Canada than here, check it out on the UN website), and most places we should compare ourselves to don't have stats. Face it, this is not Australia or Switzerland, in what world do you live?
You need to wake up and face the facts that you are not happy here, so leave then. Go to some so called safe place like New Zealand and start writing about the crime there if you have nothing better to do, trust me it exists, in same cases worse than here.
Maybe the moon is an option for you.
May you find peace somewhere,
Jacques
PS What do you do with the proceeds of all those expensive vote SMS's that people send you?